တိုးတက်လိုသော စိတ်တစ်ခုကို အရင်းပြုဖို့ လိုပါတယ်

အချောင်ခိုလိုသည့် စိတ်ကို မပြင်ဆင်သမျှ တိုးတက်သောဘဝ ဆိုတာ ဝေးကွာနေမည် ဖြစ်သည်။

တိုးတက်ခြင်း၊ အောင်မြင်ခြင်း ဆိုသည်ကို ငွေကြေးတို့ဖြင့်သာ တိုင်းတာခြင်း မဟုတ်ပါချေ။ မိမိ စွမ်းနိုင်သော  နယ်ပယ်၊ မိမိ ထမ်းဆောင်ရာ နေရာဒေသ မိမိ မြှင့်တင်လာခဲ့သည့် အရည်အချင်းတို့နှင့် ဆက်နွှယ်တိုင်းတာ ကြရစမြဲပင် ဖြစ်သည်။ ယနေ့ လူငယ် နောင်ဝယ် လူကြီး ဆိုသော စကားအတိုင်း အနာဂတ်၏ ခေါင်းဆောင် ဖြစ်လာမည့် လူငယ်များတွင် အားနည်းချက် များကို ပြင်ဆင်လိုစိတ် ရှိကာ တိုးတက်ခြင်း များစွာကို ဆောင်နှင်း သင့်ပေသည်။

လူငယ်များစွာ တိုးတက်မှုနှင့် လွဲချော်လာခြင်း၏ အဓိက အကြောင်းမှာ ကောင်းမွန်သော အလေ့အထနှင့် တိုးတက်ရေး အတွက် သင်ယူလိုမှု အားနည်းနေခြင်းပင် ဖြစ်သည်။ စာဖတ်ခြင်း အားနည်းသလို မာန ဓာတ်ခံများနှင့် သိပြီး တတ်ပြီး ပုံစံ နေထိုင် တတ်ကြပေသည်။ ခိုင်းခြင်းကိုသာ စောင့်ဆိုင်းနေပြီး ကိုယ်စွမ်း ကိုယ်စ ပြသလိုစိတ် နည်းနေ တတ်ကြပေသည်။ တိုးတက်လာသော ခေတ်တွင် နည်းပညာတို့ မြင့်လာခဲ့ ပေသည်။ မြင့်လာသော နည်းပညာများ ပြောဆို ဆက်ဆံလာရသော ဘာသာစကားများ တိုင်းတာမှု နည်းစနစ်များမှာ ကမ္ဘာပေါ်တွင် အောင်မြင်နေသော ကုမ္ပဏီများ၏ နည်းစနစ်ကို အကောင်အထည်ဖော် နေတတ် ကြသည်။ ကွာလှမ်းသော နည်းပညာများ အကြား စိတ်ပျက် အားလျော့ခြင်းများကို ဖက်တွယ် ထားခြင်းကိုက လူငယ်များစွာ အတွက် အမှား တစ်ချက်ပင် ဖြစ်နေပေသည်။

လူငယ်များစွာ တတ်မြောက်လာသည့် အထဲတွင် သောက်စားခြင်းနှင့် အလွယ် ချမ်းသာလိုခြင်းများပင် ဖြစ်သည်။ သောက်စားခြင်း၊ လောင်းကစားခြင်းများ အလွန်တွင် ကြွေးမြီတင်ခြင်းများ ငွေချေးခြင်းများဖြင့် ဘဝတစ်ခုကို နစ်မွန်း သွားကြပေသည်။

အောင်မြင်မှု တစ်ခုကို တိုင်းတာ အကဲဖြတ်ရာတွင် တွေ့ကြုံလာသော ပြဿနာနှင့် အခက်အခဲများကို မည်သို့ ဖြေရှင်းသည် မည်မျှ ကြိုးစားသည် ဆိုသည့် အချက်များနှင့် တိုင်းတာ တတ်ကြပေသည်။ ပြင်ဆင် လိုစိတ် မရှိသေးသမျှ တိုးတက်ခြင်း ဆိုသည်က ဝေးကွာနေမည် ဖြစ်ပေသည်။ အပြစ်ပြောခြင်းများ ဆင်ခြေများကြီး ဆိုးနေသမျှ တိုးတက်ခြင်း ဆိုသည်က ပိုမို ဝေးကွာသွားမည် ဖြစ်ပေသည်။ ကိုယ့်ဘဝကို မြှင့်တင်ခြင်းများ မပြုသမျှ ကိုယ့်ပတ်ဝန်းကျင်၏ သမိုင်းတွင် ကိုယ်သည် သာမန်လူတစ်ဦး အဖြစ်နှင့်သာ အဆုံးသတ် သွားပေလိမ့်မည်။ ပြောဆို ဆုံးမခြင်းများ ပြုသမျှ ဆရာလုပ်သည် ဟူသော အထင်ရောက်ကာ မာနခံ နေသမျှ တိုးတက်မှုနှင့် ဝေးကွာ နေပေလိမ့်မည် ဖြစ်သည်။ ကိုယ်တိုင် လုပ်ကိုင်နေသော အလုပ်တွင် ကိုယ်ပိုင် အရည်အချင်းကို မပြနိုင်သမျှ ကိုယ်တိုင်က အသုံးမကျသူ ဖြစ်သွားပေလိမ့်မည်။ သောက်စား ပျော်ပါးမှုနှင့် အကြွေးသံသရာမှ မရုန်းထွက်နိုင်သမျှ စိတ်ဓာတ်တို့ ကျသွားလိမ့်မည် ဖြစ်ပေသည်။

ကမ္ဘာတစ်ဝန်း မိနစ် စက္ကန့်နှင့် အမျှ တိုးတက် လာနေပေသည်။ ပွင့်လင်းမြင်သာသော အခြေအနေ အကြား အစွမ်းအစများကို ယှဉ်ပြိုင်ကြရတော့မည် ဖြစ်သည်။ သာမန်ဈေးဆိုင်များ နေရာအစား မီနီမားကတ်များ အစားထိုး ဝင်ရောက်နေပြီ ဖြစ်သည်။ အပြိုင် လုပ်ဆောင်နေသော လုပ်ငန်းများ အကြား ဈေးကွက်ပြိုင်ဆိုင်မှု ကြီးထွားလာနေပြီ ဖြစ်သည်။ နည်းပညာခြင်း ယှဉ်ပြိုင်ကြတော့မည်။ အရည်အချင်းချင်း ယှဉ်ပြိုင်ကြရ တော့မည် ဖြစ်သည်။ အစွမ်းအစများ ပြသရတော့မည့် ကာလ ရောက်နေပြီ ဖြစ်သည်။ သက်သာလိုခြင်းများ၊ အချောင် ရလိုခြင်းများ၊ ပျင်းရိခြင်းများ၊ ကိုယ်ရည်ကိုယ်သွေးကို မြှင့်တင်ခြင်းများ မရှိသမျှ မကောင်းသော အမူအကျင့် တို့ကို ပြင်ဆင်လိုစိတ် မရှိသေးသမျှ တိုးတက်ခြင်း ဆိုသော အခြေအနေသည် ဝေးကွာနေမြဲ ဖြစ်နေပေလိမ့်မည်။ သို့အတွက် အောင်မြင်သော လူငယ်ဖြစ်ရေး မျက်စိဖွင့် နားစွင့်ရင်း တိုးတက်ခြင်းဆီ လျှောက်လှမ်း သင့်လှ ပါပေသည်။ တွေးတော ငေးမောကာ စိတ်ဓာတ်ကျရန် မလိုပါချေ။ လုပ်သမျှ လုပ်ငန်းများကို အကောင်းဆုံး ဖြစ်အောင် ကြိုးစားခြင်းဖြင့် ဘဝကို မြှင့်တင်ရမည် ဖြစ်သည်။ ဝေဖန် လေကန်ရင်း အချိန်ဖြုန်းမည့် နေရာများတွင် ကောင်းမွန်သော လေ့လာဆည်းပူးခြင်း များကို ပြုလုပ်ကြရမည် ဖြစ်သည်။ အထက်ကို ကြည့်ကာ ကိုယ့်ဘဝ နိမ့်ကျလှသည်ဟု တွေးနေမည့်အစား ကိုယ့်အောက်က လူများကို ငဲ့ကြည့်ရင်း အားမာန်တင်းကာ ကြိုးစားရမည် ဖြစ်သည်။

ပြီးခဲ့သော အတိတ်အတွက် ဆွေးနေမည့် အစား ကြုံတွေ့နေရသော ပစ္စုပ္ပန်ကို အလှဆင်ရမည် ဖြစ်သည်။ မမြင်ရသေးသော အနာဂတ်ကို မျှော်လင့်ရင်မောနေမည့် အစား လက်ရှိ လုပ်ဆောင်မှုကို အကောင်းဆုံး လုပ်ဆောင်ရမည် ဖြစ်သည်။ မနာလိုခြင်း၊ ဝန်တိုခြင်းများနှင့် အချိန်ဖြုန်းမည့် အစား တည်ငြိမ်သော စိတ်များဖြင့် မုဒိတာ ပွားနိုင်ဖို့ ကျင့်ကြံ သင့်လှပေသည်။ သေချာပါသည်။ တိုးတက်လိုသူတိုင်း အတွက် အရေးကြီးသော အရင်းအနှီးမှာ တိုးတက်လိုသော စိတ်ကို အရင်းတည် မွေးဖွားရေးပင် ဖြစ်သည်။ တိုးတက်လိုစိတ် ပြင်းထန်နေသမျှ တိုးတက်စေမည့် အရာများစွာကို လေ့လာနေမှာ မလွဲပါချေ။ တိုတောင်း လှသော အချိန်များအတွင်း ကောင်းသော လုပ်ဆောင်ခြင်းများဖြင့် သမိုင်း ရေးထိုးရမည်မှာ တိုးတက်လိုသူ တိုင်း၏ တာဝန်ပင် ဖြစ်သည်။ သို့အတွက် အားငယ်ခြင်း၊ အားလျော့ခြင်း၊ အားပျော့ခြင်း၊ စိတ်ဓာတ်ကျခြင်း များကို ဘေးဖယ်ကာ အောင်မြင်ခြင်းများဆီ တက်ကြွစွာ ချီတက်သင့်လှ ပါပေသည်။  ။

သရက်တန်းစိုးရွှေ(စိတ်ပညာ)

Read 90 times
Rate this item
(0 votes)

Latest from ရွှေတည်