အကြည်ညို ပျက်အောင် ပြုခြင်း

အစိုးရ''အစိုးရကို အကြည်ညိုပျက်အောင် ပြုခြင်းဆိုတာ ဘယ်လို အဓိပ္ပာယ် ရှိပါသလဲ ဆရာ။

ဥပဒေဗဟုသုတအဖြစ်ရေးပြပါ။  ပြည်သူပြည်သားတိုင်း  သိရှိနားလည်သင့်ပါတယ်။ အများနားလည်လွယ်တဲ့  စကား လုံးတွေနဲ့ ဦးစားပေးပြောပြပါ''ဟု မိတ်ဆွေတစ်ဦးက မေတ္တာရပ်သည်။ ထို့ကြောင့် ဤဆောင်းပါးကို ရေးလိုက်ပါသည်။

ရာဇသတ်ကြီး

ရာဇသတ်ကြီး ဥပဒေပုဒ်မ ၁၂၄(က)တွင်အကြည်ညိုပျက်အောင် ပြုခြင်းဟု ခေါင်းစဉ်တပ်ထားသော ပုဒ်မတစ်ခုရှိသည်။ အဓိပ္ပာယ်မှာ အောက်ပါအတိုင်းဖြစ်သည်-

၁၂၄-က။ မည်သူမဆို နှုတ်ဖြင့်ဖြစ်စေ၊ စာဖြင့်ဖြစ်စေ၊  အမှတ်အသားဖြင့်ဖြစ်စေ၊ ထင်ရှားသော ပုံသဏ္ဌာန်ဖြင့်ဖြစ်စေ၊ အခြားနည်းဖြင့်ဖြစ်စေ ပြည်ထောင်စုအတွက် သို့မဟုတ် ပြည်ထောင်စုအဖွဲ့ဝင်များ အတွက် ဥပဒေအရ တည်ထောင် ထားသော အစိုးရကို မုန်းထားအောင်သော် လည်းကောင်း၊ မလေးစားအောင် သော်လည်းကောင်းပြုလျှင် သို့မဟုတ် ထိုသို့ပြုရန်အားထုတ်လျှင် သို့မဟုတ် မေတ္တာပျက်ေ အာင် လှုံ့ဆော်လျှင် သို့မဟုတ် ထိုသို့လှုံ့ဆော်ရန် အားထုတ်လျှင် ထိုသူကို ငွေဒဏ်နှင့်တကွ ထောင်ဒဏ်နှစ် ၂ဝ ဖြစ်စေ၊ ငွေဒဏ်နှင့်တကွ ခုနစ်နှစ်အထိ ထောင်ဒဏ်ဖြစ်စေ၊ ငွေဒဏ် သက်သက်ဖြစ်စေ ချ မှတ်ရမည်။

(ရာဇသတ်ကြီးကို ပြင်ဆင်သည့် ဥပဒေအမှတ်-၆/၂ဝ၁၆)

ရှင်းလင်းချက် ၁။ မေတ္တာပျက်စေခြင်းဆိုသည့်စကားတွင် သစ္စာမဲ့ခြင်းနှင့် အငြိုးထားသော စိတ်လည်း ပါဝင်သည်။ ရှင်းလင်းချက် ၂။ မုန်းထားအောင်သော် လည်းကောင်း၊ မလေးစားအောင်သော် လည်းကောင်း၊  မေတ္တာပျက်အောင် သော်လည်းကောင်းဖြစ်စေရန် လှုံ့ဆော်ခြင်း သို့မဟုတ် လှုံ့ဆော်ရန် အားထုတ်ခြင်းမရှိဘဲ အစိုးရ၏ ဆောင်ရွက်မှု အစီ အစဉ်ကို ဥပဒေနှင့် ညီသောနည်းဖြင့် ပြောင်း လဲပြုပြင်စေရန် ရည်ရွယ်ချက်၊ ထိုဆောင်ရွက်မှုကို သဘောမကျကြောင်း ထုတ်ဖော်ခြင်းသည် ဤပုဒ်မအရ ပြစ်မှုမမြောက်။

အစားထိုး ဤပုဒ်မပါ "The government established by Law in Burma or British India" ဆိုသည့်  စကားရပ်အစား "The government established by Law or the union or for the eonstituent unit there of" ဆိုသည့်စကားရပ်ကို အက်ဥပဒေအမှတ် ၂ဝ/၁၉၅ဝ ဖြင့်  အစားထိုးထားသည်။ ယခုအခါ ၂ဝ၁၆ ခုနှစ်တွင် ဤပုဒ်မပါ ''တစ်သက်တစ်ကျွန်းဒဏ်''ကို ''ထောင်ဒဏ်နှစ် ၂ဝ''ဟု အစားထိုးထားသည်။

(ရာဇသတ်ကြီးကို ပြင်ဆင်သည့်ဥပဒေအမှတ်- ၆/၂ဝ၁၆) ရာဇဝတ်ကျင့်ထုံး ဇယား-၂ ပုဒ်မ ၁၂၄-ကမှာ ရဲအရေးမပိုင်။ ဦးစွာဝရမ်းထုတ်ဆင့်ဖမ်းဆီးနိုင်သည်။ အာမခံမပေးနိုင်။  ကျေအေးခွင့်မရ။  ခရိုင်တရားရုံးကဖြစ်စေ၊ နိုင်ငံတော်သမ္မတ က အထူးအခွင့်အာဏာအပ်နှင်းသော  ပထမတန်းအာဏာရ တရားသူကြီး သို့မဟုတ် ဒုတိယ တန်းအာဏာရ တရား သူကြီးကဖြစ်စေ စစ်ဆေးစီရင်နိုင်သည်။

(ရာဇဝတ်ကျင့်ထုံးဥပဒေကို ပြင်ဆင်သည့် ဥပဒေအမှတ်-၁၆/၂ဝ၁၆) စီရင်ထုံး(အချို့)

ဤပုဒ်မအတွက်  စီရင်ထုံးအချို့ကို အောက်ပါအတိုင်းတင်ပြပါသည်-''ဦးဓမ္မစရနှင့် အစိုးရ၊ အတွဲ(၁)ရန်ကုန်၊ ၂၁၁'' ဟောပြောချက် သို့မဟုတ် အရေးအသား တစ်ခုခုသည် မည်ကဲ့သို့သော ပုံသဏ္ဌာန်ပင် ဖြစ်စေကာမူ ဆိုလိုရင်းအ ဓိပ္ပာယ်ကို သာကြည့်၍ အကြည်ညိုပျက်စေသည့် ဟောပြောချက် သို့မဟုတ် အရေးအသားဟုတ်၊ မဟုတ်ဆုံးဖြတ်ရသည်။ ထို့ပြင် နားထောင်သည့်ပရိသတ်နှင့် စာဖတ်ပရိ သတ်အမျိုးအစား၊ ဟောပြောရေးသားသည့် အချိန်အခါ၊ ဟော ပြောသည့်နေရာဒေသနှင့် ဟောပြောရေးသားသူ၏ ပုဂ္ဂိုလ်ရေးအခြေအနေတို့ကိုပေါင်းစပ်၍ ဟောပြောချက် သို့မဟုတ် အရေးအသားသည် အစိုးရအားမုန်းထားအောင်သော်လည်းကောင်း၊ မလေးစားအောင်သော်လည်းကောင်း၊ မေတ္တာ ပျက်အောင် သော်လည်းကောင်း လှုံ့ဆော်ခြင်း ရှိ၊ မရှိချိန်ရသည်။

အချိန်အခါနှင့်စပ်လျဉ်း၍မူ တိုင်းပြည်မငြိမ်မသက်ဖြစ်နေသည့်အချိန်တွင် ဟောပြောရေးသားခြင်းသည် ရပ်ရွာအေး ချမ်းနေချိန်၌ ဟောပြောရေးသားခြင်းနှင့် အကျိုးသက်ရောက်မှုမတူပါ။ရပ်ရွာတွင် အခြေ အနေမဲ့လူတစ်ဦး၏ ဟောပြော ရေးသားမှုသည် ရပ်သိရွာသိ၊ တိုင်းသိပြည်သိ သြဇာညောင်းသော ပုဂ္ဂိုလ်၏ ဟောပြောရေးသားချက်လောက်ထိ ရောက်မှုရှိမည်မဟုတ်ပါ။ မုန်းထားခြင်း၊ မလေး စားခြင်းမုန်းထားခြင်း၊ မလေးစားခြင်းတို့မှာ ခြားနားပါသည်။ မလေး စားခြင်းမှာ မရိုသေခြင်း၊ နေရာမထားခြင်းဖြစ်၍ မုန်းထားစိတ်မရှိသော်လည်း မလေးစားစိတ်ရှိနိုင်သည်။ မလေးစား သော်လည်း သနား စိတ်ရှိနိုင်သဖြင့် မုန်းထားစိတ်ရှိသည်ဟု ဆိုနိုင်မည်မဟုတ်ပါ။

မေတ္တာ ပျက်ခြင်း

မေတ္တာပျက်စေခြင်းသည် မေတ္တာမရှိအောင် ပြုခြင်းပင်ဖြစ်သည်။ ပထမရှင်းလင်းချက်အရ မေတ္တာပျက်စေခြင်း ဆိုသော စကားတွင် သစ္စာမဲ့စေခြင်း၊ အငြိုးထားစိတ်ရှိနေခြင်းတို့လည်း ပါဝင်ကြသဖြင့် အစိုးရအပေါ် သစ္စာ စောင့် ထိန်းခြင်းမပြုကြရန်  ဟောပြောခြင်း၊ ရေးသားခြင်းတို့သည် အကြည်ညိုပျက်မှုပင်ဖြစ်သည်။

သခင်လေးမောင်နှင့် အစိုးရ၊ ၁၉၃၉၊

ရန်ကုန်စီရင်ထုံး၊ ၂၃၉ ''အစိုးရ၏မူဝါဒနှင့် လုပ်ငန်းအဝဝကို စေတနာဖြင့် ဝေဖန်ကြရန်၊ နိုင်ငံရေးသမား၊ သတင်းစာ ဆရာနှင့် စာရေးဆရာတို့တွင် တာဝန်ရှိကြသည်။ သဘောရိုးဖြင့် စေတနာသန့်သန့် ဝေဖန်ကြရန်လိုသည်။ အစိုးရ အပေါ် အမုန်းထားစေရန်၊ မလေးစားစေရန် သို့မဟုတ် မေတ္တာပျက်စေရန် ရည်ရွယ်၍ ဝေဖန်ခြင်းမပြုနိုင်ပေ။ သို့ဖြစ်၍ အလုပ်သမားများအား စည်းလုံးညီညာ၍ အလုပ် သမားတို့၏အခွင့်အရေးကို တောင်းဆိုနိုင်မည်ဖြစ်ပြီး အရင်းရှင်များ အတွက် ပြုလုပ်ထားသည့် ဥပဒေအစား အလုပ်သမားတို့အား အခွင့်အရေးပေးမည့် ဥပဒေကို ပြဋ္ဌာန်းနိုင်မည်ဟု ဟောပြောခြင်းသည် ရှင်းလင်းချက် ၂ နှင့် ၃ တွင်  အကျုံးဝင်မည်ဖြစ်သည်။ အလုပ်သမားတို့၏ အခွင့်အရေးကို အ ကြောင်းပြကာ အစိုးရအပေါ်ပုတ်ခတ်ပြီး မြန်မာလူမျိုးကို အစိုးရကျွန်သပေါက်အဖြစ် ပြုလုပ်သည်ဟု  ပုတ်ခတ်ပြော ဆိုခြင်းသည် အကြည်ညိုပျက်မှု  ကျူးလွန်ရာရောက်သည်''ဟု  အထက်ပါစီရင်ထုံးကဖော်ပြသည်။

ရှင်းလင်းချက်(၃)

ပုဒ်မ ၁၂၄-က၊ ရှင်းလင်းချက်(၃)တွင်''မုန်းထားအောင်သော်လည်းကောင်း၊ မလေးစားအောင်သော် လည်းကောင်း၊ မေတ္တာပျက်အောင်သော် လည်းကောင်းဖြစ်စေရန် လှုံ့ဆော်ခြင်း သို့မဟုတ် လှုံ့ဆော် ရန်ကြံစည် အားထုတ်ခြင်းမရှိဘဲ အစိုးရ၏ စီရင်အုပ်ချုပ်ရေးဆိုင်ရာ ဆောင်ရွက်မှုကို သို့မဟုတ် အခြားဆောင်ရွက်မှုကို သဘောမကျကြောင်း ထုတ်ဖော်ခြင်းသည် ဤပုဒ်မအရပြစ်မှု မမြောက်'' ဟုဖော်ပြသည်။

 လေးမောင်စီရင်ထုံး၊ ၁၉၃၉၊R.L.R စာ-၂၃၉

''နိုင်ငံရေးမိန့်ခွန်းများနှင့်  အရေးအသားများတွင် စကားလုံးတစ်လုံး စာတစ်ပိုဒ်ကိုသာမကြည့်ရဘဲ မိန့်ခွန်းနှင့် အရေး အသားတစ်ခုလုံး၏ အခြေခံသဘောနှင့် ရည်ရွယ်ချက်ကို ကြည့်ရမည်။ ထိုသို့ကြည့် ရာတွင် နိုင်ငံတော်အစိုးရကို  မ လေးစားအောင်၊  အကြည်ညိုပျက်အောင် စကားများပါလျှင် ပုဒ်မ ၁၂၄-က မြောက်သည်'' ဟု အထက်ပါစီရင်ထုံးက ဖော်ပြဆုံးဖြတ်ဖူးသည်။

အကြံပြုတင်ပြချက် ဥပဒေပြဋ္ဌာန်းချက်များကို ဥပဒေဗဟုသုတအဖြစ် လေ့လာဆည်းပူးကြပါ။ ဥပဒေပညာရှင်များကဲ့ သို့ ပါရဂူမြောက်တတ်ကျွမ်းရန်မလိုပါ။ သို့သော်ငြား ဥပဒေကိုမသိ၍ဟု ထုချေရုံမျှနှင့် အပြစ်မလွတ်နိုင်ကြောင်း သတိ ပြုစေချင်ပါသည်။  ။ ဦးဟန်ညွန့်(ဥပဒေ)

Read 42 times
Rate this item
(0 votes)