တောင်ပတ်လည် ရစ်ခွေနေသည့် မြန်မာ့ ရတနာမြေ မိုးကုတ်မြို့သို့ ရောက်ခဲ့စဉ်

မြန်မာနိုင်ငံသည် ခရီးသွားလုပ်ငန်းများ၊ ခရီးသွားများဖြင့် စည်ကားနေပြီဖြစ်သည်။ ပြည်ပခရီးသွားများ ပြည်တွင်းသို့ သာမက ပြည်တွင်းခရီးသွားများကလည်း နိုင်ငံရပ်ခြားသို့တိုင် ခရီးသွားလာနေကြကာ အတွေ့အကြုံဗဟုသုတများ ရ ယူခံစားလျက်ရှိကြသည်။ သို့သော် မကြားဖူး၊ မသွားဖူးကြသော ခရီးစဉ်တစ်ခုလည်း ရှိနေသည်ဟု စာရေးသူခံစားမိပါ သည်။ မသိ၍လည်းဖြစ်နိုင်ပါသည်။ သို့သော် ထိုခရီး စဉ်မရှိသေးသည်မှာ သေချာသလောက်ဖြစ်ပါသည်။

ထိုခရီးစဉ်မှာ မန္တလေးတိုင်းဒေသကြီးအတွင်း မိုးကုတ်မြို့ပင်ဖြစ်ပါသည်။ မြန်မာပြည်အနှံ့ ခရီးစဉ်များစီစဉ်၍ သွားလာ နေသူများကလည်း ဤခရီးစဉ်ကို မသွားဖူးကြောင်းပြောကြသည်။ သို့သော် ရှာဖွေစူးစမ်း၍ ဘုရားဖူးခရီး၊ အပန်းဖြေ ခရီးများကို စီစဉ်တတ်သူ သုခမိန်ဘုရားဖူး အပန်းဖြေခရီးစဉ်ကို ဆောင်ရွက်နေသော ဦးမျိုး၏စီစဉ်မှုဖြင့် အစမ်းသ ဘော မိုးကုတ်မြို့ခရီးစဉ်တွင် လိုက်ပါဖြစ်ခဲ့သည်။

ရန်ကုန်မှ မန္တလေးသို့ ကားလမ်းဟောင်းခရီးမိုင် ၄၃ဝ ရှိပြီး မန္တလေးမှဆက်၍မိုးကုတ်မြို့သို့ခရီးမိုင် ၁၂၈ မိုင်  ဆက် သွားရမည်ဖြစ်သည်။ ကြိုတင်လေ့လာမိသော မန္တလေး-မိုးကုတ်ကားလမ်းခရီးသည် ခပ်ပြေပြေတောင်တက်ခရီးဖြစ်ပြီး အကွေ့ပေါင်း ၉၉ဝ ရှိသည်ဟု သိရပါသည်။ မြန်မာပြည်တောင်ဘက်စွန်းမှ ထားဝယ်ရှင်ကိုးရှင်ခရီးစဉ်၏ ကားလမ်း သည်လည်း တောင်ပတ်လမ်းအကွေ့များမှာ တံတောင်ဆစ်ကွေးလမ်းများကို လေးနာရီလောက် ကွေ့ကာပတ်ကာ သွားရသောလမ်းအဖြစ် ကိုယ်တိုင်သွားခဲ့သောကြောင့် ခရီးစဉ်၏ အတွေ့အကြုံကို  ခံစားရဖူးပါသည်။ ယခု မန္တလေးမှ မိုးကုတ်သို့ ခရီးစဉ်သည်လည်း အကွေ့အကောက် တောင်တန်းများကို ကျော်ရင်း သွားခဲ့ရသည်။

လူနည်းနည်းနှင့်ခရီးစဉ်ဖြစ်၍ ကားအတွင်းနေရာကျယ်ကျယ်မှာ လူးကာလိမ့်ကာနှင့် ရောက်မှန်းမသိရောက်ခဲ့ရသည်။ မိုးကုတ်မြေသို့ တစ်ခဏတာရောက်သည့် အချိန်မှာ သွားသင့်သောနေရာများနှင့် ဘုရား၊ စေတီ၊ ပုထိုးတချို့ကို ရောက်ခဲ့ပါသည်။ နှံ့နှံ့စပ်စပ်မရောက်ခဲ့ကြောင်း သိထားသဖြင့် ခရီးစဉ်အမှန်အစီအစဉ်ဆွဲခဲ့သော ၂ဝ၁၇ ခုနှစ် ဖေဖော် ဝါရီ ၁၁ ရက်က မိုးကုတ်မြို့သို့ ဒုတိယအကြိမ် ဘုရားဖူးအပန်းဖြေ ခရီးစဉ်တွင် ထပ်မံလိုက်ပါဖြစ်ခဲ့သည်။

မိုးကုတ်မြို့တည်သမိုင်း၌ မိုးကုတ်မြို့ကို မြန်မာသက္ကရာဇ် ၅၇၉ ခုနှစ်တွင် စတင်တည်ခဲ့သည်ဟု မှတ်သားရပါသည်။ မိုးကုတ်ဆိုသောစကားမှာ မိုင်းကတ်ဟူသည့်စကားမှ ဆင်းသက်လာပြီး မြန်မာ လိုခေါ်လျှင် အေးမြခြင်းဟု အဓိပ္ပာယ်ရ ပါသည်။ ရှေးဟောင်းတဘောင်စကားအရ မိုးကုတ်မြို့မဖြစ်မီ မိုးကုတ်မြို့တည်နေရာနှင့် သုံးမိုင်ခြားသောသဖန်းပင်ရွာ ကို အစဦးတည်ခဲ့သောကြောင့်-''ကိတ်န ဂါးကြွက်သုံးဖော်ယှက် ကျောက်မျက်ရတနာပေါ်ထွက်လာ ဂန္ဓာလတိုင်း သမိုင်းပွင့်ဆန်း ပင်သဖန်းဟု မော်ကွန်းထိုးထုတ် မြို့မိုးကုတ်'' ဟုဆိုထားသဖြင့် မိုးကုတ်မြို့ကို သဖန်းပင်ရွာတည်ပြီးမှ တည်ခဲ့သည် ဟုလည်းဆိုပါသည်။ ထိုတဘောင်စကားအရ ကိတ်ဆိုသည်မှာ ၉၊ နဂါးဆိုသည်မှာ ၇၊ ကြွက်ဆိုသည်မှာ၅ ဖြစ်၍ ပြောင်းပြန်ကောက်သော် ၅၇၉ ဟုကိန်းဂဏန်းစဉ်ရပါသည်။ ထို့ကြောင့် မြန်မာသက္ကရာဇ် ၅၇၉ ခုနှစ်တွင် မိုးကုတ်မြို့ကို တည်ခဲ့သည်ဟု ဆိုကြခြင်းဖြစ်သည်။

မြန်မာနိုင်ငံအတွင်းမှ အဖိုးတန်ပတ္တမြားမြေရှိရာအရပ်သည် မိုးကုတ်မြို့ဖြစ်သည်။ မြို့တည်ပထဝီအနေအထားအရ မြောက်လတ္တီတွဒ် ၂၂ ဒီဂရီ ၅ဝ မိနစ်နှင့် ၂၃ ဒီဂရီ၃ဝ မိနစ်ကြား၊ အရှေ့လောင်ဂျီတွဒ် ၉၆ ဒီဂရီ၁၁ မိနစ်နှင့် ၉၆ ဒီဂရီ ၄၅ မိနစ်ကြားတွင်တည်ရှိကာ  အကျယ်အဝန်းမှာ  အရှေ့အနောက် မိုင် ၃ဝ၊ တောင်မြောက် ၁၅ ဒသမ ၁၂ မိုင်နှင့် အ ကျယ်အဝန်းမှာ ဧကအားဖြင့် ၂၉ဝ၃ဝ၅ ဧကကျယ် ဝန်းသော ဒယ်အိုးပုံစံမြို့တစ်မြို့ဖြစ်သည်။ မာကျောသောကျောက် သားမြေက ပိုများပြီး စိုစွတ်သော၊ ခြောက်သွေ့သော၊ အေးမြသော ရာသီဥတုကို ခံစားရသည့်မြို့တစ်မြို့လည်း ဖြစ်သည်။

ပင်လယ်ရေမျက်နှာပြင်အထက် ပေပေါင်း၎ဝဝဝ ကျော်မြင့်သော မိုးကုတ်မြို့သည် မြန်မာနိုင်ငံ အလယ်ပိုင်း မန္တလေး တိုင်းဒေသကြီး ပြင်ဦးလွင်ခရိုင်၌တည်ရှိပြီး မြို့လယ်အနိမ့်ဆုံး ချိုင့်ဝှမ်းဖြစ်သည့်နေရာ သည် မိုးကုတ်မြို့၏ လှပသော အင်းကြီးဖြစ်သည်။ ထိုအင်းကြီးသည် ပင်လယ်ရေမျက်နှာပြင်အထက် ပေပေါင်း ၃၆၄၅ ပေမြင့်သောနေရာတွင်ရှိပြီး မိုးကုတ်မြို့၏ ကျက်သရေဆောင်အင်းအဖြစ် ဒေသခံ များက ဂုဏ်ယူနေကြသော အင်းကြီးဖြစ်သည်။ တောင်ပေါ်ဒေ သ၌ ခံ့ညားစွာရှိနေသော မိုးကုတ်အင်းကို မုံကွင်းဟုလည်းခေါ်ကြပါသည်။ ထိုအင်းကြီးသည် ကိုလိုနီခေတ်က ကျောက်လုံးကြီးကွင်းအဖြစ် တူးဖော်ခဲ့ပြီးနောက်ပိုင်းတွင် စိမ့်ရေထွက်အားကောင်းမွန်သဖြင့် ရေကန်ကြီးဖြစ်လာခဲ့ခြင်း ဖြစ်သည်။

ချိုင့်ခွက်ပုံသဏ္ဌာန်ဖြစ်နေသော မိုးကုတ်မြို့ကို  ဒယ်အိုးပုံဟုလည်း ပါးစပ်ရာဇဝင်စကားအရ မှတ်သားရပါသည်။ တော တောင်ကြီးများ ကာရံထားပြီး လေ့လာမိသည့်အခါ ၇၅၄၄ ပေအမြင့်ရှိ တောင်မင်းေ တာင်၊ ၆၇၃၃ပေအမြင့်ရှိ ကြေး နီတောင်၊ ၆၂၂၃ ပေအမြင့်ရှိ တောင်တော်တောင်၊ ၅၉၅၅ ပေအမြင့်ရှိမြို့မြင်တောင်၊ ၅၆ဝ၆ ပေအမြင့်ရှိ ထင်းရှူး တောင်၊ ၅၃၄၅ ပေအမြင့်ရှိ ပင့်ကူတောင်နှင့်၅၂၇၇ ပေအမြင့်ရှိ ဒေါ်နန့်ကြည်တောင်တို့က ကာရံထားသည်ကို သိရှိခဲ့ရသည်။ သဘာဝကပေးသော သဘာဝအလှများဖြင့် စိမ်းစိမ်းစိုစို ရှိလှသည့်အပြင် ဘာသာ၊ သာသနာကို အလေးထား ကြသော တိုင်းရင်း သားများ နေထိုင်ရာဒေသ ဖြစ်သောကြောင့် ဘုရားစေတီများလည်း များစွာဖူးကြရမည်ဖြစ်သည်။ မိုးကုတ်မြို့နှင့် ၇ မိုင်ခန့်ဝေးသော ကျောက်ပြာသာဒ်ရွာတွင် ကျောက်ပြာသာဒ်တောင်ပေါ်ရှိ ဘုရားစေတီ များ၊ ပင့်ကူ တောင်၊ ဒေါ်နန့်ကြည်တောင်ပေါ်မှ ဘုရားစေတီများကိုလည်း စိတ်နှလုံး ကြည်နူးစွာ ဖူးမြော်ခဲ့ရသည်။

လူကြီးသူမများအဖို့ ဘုရားဖူးနိုင်သကဲ့သို့ လူငယ်များအတွက်လည်း အပန်းဖြေနိုင်သော ရေတံခွန်၊ ရေပူကန်များရှိရာ သွားရောက်လေ့လာမိပြန်သည်။ ရေတံခွန်ကြီးများသည် ရှေးအခါကပင်ရှိခဲ့သည့် ရေတံခွန်များဖြစ်ပြီး မိုးကုတ်မြို့ကို တောင်နှင့်မြောက် ဝန်းရံထားသည်။ ခရီးသွားများ အပန်းဖြေ အနားယူရန် အချိန်များစွာ ပေးခဲ့သောကြောင့် မိုးကုတ်မြို့မှ မိုင်းလုံမြို့သို့သွားသော ကားလမ်းဘေးရှိ ကင်းချောင်းရေတံခွန်မှာ ရေကူးကြရင်းအပန်းဖြေခဲ့ရသည်မှာ လည်း မမေ့နိုင်စရာဖြစ်ခဲ့ရသည်။ မိုးကုတ်မြို့၏ မြောက်ဘက်ဘားနာဒ့်ခေါ် ရွာသာယာကျေးရွာအုပ်စု ထန်ဇင်ရွာအနီး က ထန်ဇင်ရေတံခွန်ကို ရောက်သောအခါ အချိန်နှောင်းနေပြီဖြစ်၍ ရောက်ခဲ့ရုံသာရောက်ခဲ့ပြီး ထဲထဲဝင်ဝင်မလေ့လာ ဖြစ်ခဲ့ပါ။

မိုးကုတ်မြေအနှံ့အပြားတွင် ပတ္တမြား၊ နီလာ၊ ဥဿဖယား၊ ဂေါ်မိတ်၊ အညံ့ပန်း၊ပြောင်ခေါင်းစိမ်း စသည့်ကျောက် မျက်ရတနာများထွက်ရှိပြီး အရည်အသွေးအလွန်ကောင်းမွန်သည့် ပတ္တမြားများထွက်ရှိရာ ခဲကြောပင်ရင်းသိုက်ကြီးသည် မိုးကုတ်မြို့ကိုဖြတ်ကာ၁ဝ မိုင်ဝန်းကျင် သွယ်တန်းလျက်ရှိခဲ့ဖူးသောကြောင့် မိုးကုတ်ရတနာမြေအဖြစ်လည်း ထင်ထင်ရှားရှားဖြစ်ခဲ့ဖူးသည်။ ယနေ့ကာလများအထိ အဖိုးတန် ပတ္တမြားများ ထွက်ရှိနေဆဲဖြစ်ကြောင်း မိုးကုတ်ဒေသ ခံများ၏ဂုဏ်ယူစကားကို မှတ်သားခဲ့ရပါသည်။

မြို့သူမြို့သားများ၏ အဓိကစီးပွားရေးလုပ်ငန်းမှာ ကျောက်မျက်တူးဖော်ခြင်းဖြစ်သော်လည်း သီးနှံစိုက်ပျိုးခြင်းဖြင့်လည်း စီးပွားဖြစ်နေကြသည်။ မိုးကုတ်မြို့၏ တစ်မြို့နယ်လုံးအတိုင်းအတာမှာ ဧရိယာစတု ရန်းမိုင် ၄၅၃ ဒသမ ၆ မိုင်ရှိ ပြီး သစ်တောကြိုးဝိုင်းများ၊ ရွှေဥဒေါင်းတောင် ဘေးမဲ့တောကြိုးဝိုင်းနှင့်အတူ သတ္တုတွင်းမြေဧက ၆၁၂ ဧကလည်း ရှိသောကြောင့် သဘာဝဖြစ်တည်မှုများနှင့် အလွန်သာယာေ သာ တည်ရှိမှုများဟု မြင်ခဲ့သိခဲ့ ကြားခဲ့ရသဖြင့် ဒေသန္တရ ခရီးသွားလုပ်ငန်းလုပ်ကိုင်ပါက နောင်အရှည် ပိုမိုစည်ပင်ဖွံ့ဖြိုးလာမည့် ဒေသဟုဆိုခြင်းဖြစ်သည်။

မှီတင်းနေထိုင်ကြသူအများစုမှာ ဗမာနှင့်ရှမ်းလူမျိုးတို့ဖြစ်ကြပြီး ရှမ်းမျိုးနွယ်ဝင် လီဆူး၊ ပလောင်နှင့် ဂေါ်ရခါးလူမျိုးတို့လည်း နေထိုင်ကြောင်း တွေ့ခဲ့ရပါသည်။ ကိုးကွယ်မှုဘာသာအနေဖြင့်လည်း အများစု မှာ ဗုဒ္ဓဘာသာဝင်များဖြစ်ကြပြီး တခြားဘာသာ ကိုးကွယ်မှုများလည်းရှိကြောင်း သိခဲ့ရသည်။

မိုးကုတ်မြို့သို့သွားလျှင် ဦးစွာ သွားရောက်သင့်သည်မှာ ဘုရား၊ စေတီများပင်ဖြစ်၍ အေးချမ်းသာယာသော တိုင်းရင်းသား ညီအစ်ကိုမောင်နှမများ နေထိုင်ရာမိုးကုတ်မြို့၌ ရှေးဟောင်းအမွေအနှစ် ဘုရားေ စတီများဖြစ်သော ဖောင်တော် ဦးဘုရား၊ ချမ်းသာကြီးဘုရား၊ မဟာမုနိဘုရား၊ ရွှေဂူကြီးစေတီနှင့် ကျောက်ပြာသာဒ်စေတီတော်သို့ သွားရောက်ဖူးမြော် သင့်ပါသည်။ ဘုရားဖူးရင်း ပို၍ကုသိုလ်ရခဲ့သည်က မိုးကုတ်ဆရာတော်ကြီး၏ ခန္ဓာဝန်အား မီးသင်္ဂြိုဟ်ရာတွင် မီးမခခဲ့ သော မျက်လုံးတော်နှင့် ဆံတော်ကို ဖူးခဲ့ရခြင်းဖြစ်သည်။

မိုးကုတ်မြို့၏ ထူးထူးခြားခြားပွဲတစ်ပွဲအကြောင်းကို  သိခဲ့ရသော်လည်း မသွားနိုင်သောကြောင့် လွဲခဲ့ရတာမို့ ဒေသခံ များထံ မေးမြန်းစုံစမ်းရင်းမှတ်သားရုံနှင့် ကျေနပ်ခဲ့ရသည်။ ထိုပွဲမှာ မိုးကုတ်အခေါ် ထာ ပွဲဟူသော ကျောက်အရောင်း အဝယ်ပွဲဖြစ်ပါသည်။ မိုးကုတ်မြို့အနေဖြင့် ထာပွဲများကို နေရာလိုက်၍ ပန်းခြံထာပွဲ၊ လယ်ဦးထာပွဲ၊ ရုပ်ရှင်ရုံထာပွဲ၊ မင်းတံတားထာပွဲ၊ သဖန်းပင်ထာပွဲ၊ ရေဦးကြီးထာပွဲ၊  ဘား နာဒ့်ထာပွဲ၊ လမ်းဆုံထာပွဲ၊  ခေါင်းဦးဘာထာပွဲဟူ၍ အရောင်း အဝယ်ပြုရာနေရာကို ခေါင်းစဉ်တပ်၍ ရောင်းကြဝယ်ကြသည့် ဈေးတစ်မျိုးဖြစ်ကြောင်း သိရသည်။

တောင်ပေါ်ဒေသဖြစ်သည့်အပြင် ဆောင်းလလယ်ဖြစ်ခြင်းကြောင့် အေးမြသောရာသီဥတုနှင့် မိုးကုတ်မြို့သည် မြူနှင်း များအုံ့ဆိုင်းနေသည့်ကြားမှ စိမ်းစိမ်းစိုစိုသစ်တောများနှင့် ဒေသခံတိုင်းရင်းသားများ၏ ဟိုမှဒီသွားလာနေသည့် မြင် ကွင်းသည် ရောင်စုံပန်းချီကားတစ်ချပ်နှယ် သာယာအေးချမ်းလှသည်။ ယခုအခါ ခရီးသွားလုပ်ငန်းအများစုသည် လုပ် ငန်းအနေဖြင့် တိုးတက်နေပြီး သွားခဲ့၊ရောက်ခဲ့သော ဒေသများသည်လည်း စီးပွားရေး၊ လူမှုရေးစသော လူမှုဘဝအဖုံဖုံ အစဉ်တစိုက် တိုးတက်နေပြီဖြစ်သည်။ မြန်မာနိုင်ငံအနှံ့အပြားသို့ ရေလမ်း၊ ကားလမ်း၊ ရထားလမ်းနှင့် လေကြောင်း လမ်းများကို အသုံးပြုသွားလာနေပြီဖြစ်သော်လည်း မိုးကုတ်မြို့သို့သွားလျှင် ကားလမ်းခရီးကိုသာ အသုံးပြုသွားလာ နေရသည်။

မြန်မာနိုင်ငံအတွင်း ကားလမ်းခရီးတစ်ခုတည်းကိုသာ အသုံးပြုနေရသော တောင်ပေါ်ဒေသ၏ လမ်းပန်းဆက်သွယ်မှု ကို လေ့လာလိုက်သောအခါ မှတ်သားရသည်မှာ အရှေ့တောင်ဘက်တွင် မိုင်းလုံမြို့နှင့် ၂၁ မိုင်ခရီး၊ မြောက်ဘက် တွင်  မိုးမိတ်မြို့နှင့်  ၂၈  မိုင်ခရီး၊ အနောက်ဘက်တွင် သပိတ်ကျင်းမြို့နှင့်မိုင် ၆ဝ ခရီးနှင့် မန္တလေးမြို့နှင့် ၁၂၈ မိုင်ခ ရီးကွာဝေးနေပြီး ပြင်ဦးလွင်မြို့နှင့် လေးနာ ရီခရီးဖြင့် ရောက်နိုင်သောခရီးစဉ်ဟု သိခဲ့ရသည်။

မိုးကုတ်ရတနာမြေဟု ဂုဏ်သတင်းကျော်ခဲ့ဖူးသော မိုးကုတ်မြို့သည် အပန်းဖြေအနားယူရန် မျှတသောရာ သီဥတု (အအေးပိုသော)ကြောင့် ခရီးသွားများနှင့်လည်း စည်ကားနေသည့် တောင်ပေါ်မြို့ဖြစ် သည်။ ရတနာမြေထွက် ကျောက်မျက်ရတနာများရောင်းချသော ညနေခင်းထာပွဲခေါ် ကျောက်အရောင်းအဝယ်ဈေးတန်းတွင် တိုင်းရင်းသား ညီအစ်ကိုမောင်နှမများသာမက နိုင်ငံရပ်ခြား ကုန်သည်များ လည်း အရောင်းအဝယ်ပွဲတွင် ပါဝင်နေသည်ကို တွေ့ခဲ့ရ သည်။

မိုးကုတ်ရတနာမြေ ဘုရားဖူးခရီးသို့ သွားခဲ့ရသော ဘုရားဖူးများကလည်း တစ်ခါမက ရောက်လိုကြကြောင်း ဆိုစကား ကြောင့် တိုးတက်စည်ပင်လာဦးမည့် ရတနာမြေအဖြစာ် ညပြန်လည်တွေ့မြင်နိုင် ပါစေကြောင်း ဆုမွန်ကောင်း တောင်း ခဲ့မိပါသည်။ မြမဉ္ဇူဝေ(ကျုံမငေး)

Read 77 times
Rate this item
(0 votes)