SJ WorldNews - шаблон joomla Авто

အာရှကို အချိန်တိုအတွင်း ပိုမိုနေရာယူလာသည့် ရုရှား

Friday, 15 June 2018 11:47 Written by  font size decrease font size decrease font size increase font size increase font size

၂၁ ရာစုတွင် အမေရိကန်တို့ ကမ္ဘာကို ဦးဆောင်ပြီး တရုတ်တို့က နောက်မှအမီ လိုက်နေသော်လည်း ယခု ဆိုဗီယက် ပြည်ထောင်စု ပြိုကွဲပြီးနောက် ရုရှားက ၎င်း၏နေရာကို ပြန်လည်ရယူရန် ခေါင်းထောင်လာ နေပြီဖြစ်သည်။ တရားဝင် စစ်အသုံးစရိတ်များကို လျှော့ချသည်ဟု ရုရှားအစိုးရက ထုတ်ပြန်ကြေညာထား သော်လည်း ရုရှားတို့ စစ်အသုံးစရိတ်ကတော့ ပြောထားသည်ထက် ပိုနေသည်။

စစ်ရေးချဲ့ထွင်မှုများနှင့် အရှေ့အလယ်ပိုင်း စစ်ပွဲများကို ကိုယ်တိုင်ဝင်ရောက် ဆင်နွှဲခဲ့ပြီး စမ်းသပ်ဆဲ မောင်းသူမဲ့စက်ရုပ်များကိုပင် ဆီးရီးယားစစ်ပွဲတွင် သုံးခဲ့သေးသည်။ ထိုမောင်းသူမဲ့ စက်ရုပ် စီမံကိန်းကပင် ရုရှားတို့ လက်နက်စီမံကိန်းများထဲမှ တစ်ခုဖြစ်ပြီး ထိုတစ်ခုတည်းကပင် အမေရိကန်ဒေါ်လာ သန်းရာနှင့်ချီ၍ အကုန် အကျခံထားသည့်စီမံကိန်းဖြစ်သည်။ ထို့ပြင် SU တိုက်လေ ယာဉ်မျိုးဆက်များနှင့် တိုက်ချင်းပစ်ဒုံးပျံများ ကလည်း ရုရှားတို့ အမေရိကန်ဒေါ်လာ ဘီလီယံဆယ်ချီအထိ အကုန်အကျခံပြီး ဆက်လက်ပြုလုပ်နေကာ နိုင်ငံပြင်ပစစ်ရေး ချဲ့ထွင်မှုများကိုပါ ထည့်သွင်း တွက်ချက်လိုက်လျှင် ရုရှားတို့ တရားဝင် စစ်အသုံးစရိတ်က ယုံချင်စရာ လုံးဝမရှိပေ။

အမေရိကန်နှင့် တရုတ်တို့ကဲ့သို့ပင် ပြင်ပ၌ပြောထားသည့် တရားဝင် စစ်အသုံးစရိတ်က အမေရိကန်က ၅ဝဝ ဘီလီယံကျော်နှင့် တရုတ်တို့က ၂ဝဝ ဘီလီယံကျော် ဆိုသော်လည်း တကယ်တမ်း အသုံးစရိတ်က အမေရိကန်တို့က ၁ ထရီလီယံအထိရှိမည်ဟု စစ်ရေးကျွမ်းကျင် ပညာရှင်များက ခန့်မှန်းကြသည်။ ထိုနည်းတူ တရုတ်တို့ အသုံးစရိတ်ကလည်း ၄ဝဝ ဘီလီယံနီးပါး အထိရှိနိုင်သည်။ စစ်ရေးကျွမ်းကျင်ပညာရှင်များက ပြည်သူများမမြင်နိုင်သည့် အာကာသထဲမှ ထိုနိုင်ငံများ၏ စစ်ရေးချဲ့ထွင်မှုများကို ခြေရာခံကာ လိုက်လံ တွက်ချက်ထားခြင်းဖြစ်သည်။ ယင်းကဲ့သို့ ရုရှားတို့ ၂ဝ၁၈ ခုနှစ်အတွက် စစ်ရေးအသုံးစရိတ်ကို အမေရိကန် ဒေါ်လာ ၄၇ ဘီလီယံဟုဆိုသော်လည်း နောက်ကွယ်တွင်တော့ မခန့်မှန်းနိုင်သည့် ဘီလီယံရာနှင့်ချီအထိ ရှိနေသည်။

အမေရိကန်တို့က တရုတ်တို့ကို ခန့်မှန်းရလွယ်ကူသည်။ သံတမန်ဆက်ဆံရေး ကောင်းမွန်သည့်အဆင့် တွင်ရှိနေသောကြောင့် အလွယ်တကူ ဝင်ထွက်နိုင်သည်။ ရုရှားက ထိုသို့မဟုတ်၊ ဆက်ဆံေ ရးကလည်း ကောင်းမွန်သော အဆင့်မဟုတ်သည့်အပြင် အမေရိကန်တို့၏ နံပါတ်တစ်ရန်သူအဖြစ် သတ်မှတ်ခံထားရသူ ဖြစ်သည်။ ယခုပို၍ပင် ဆိုးသေးသည်။ ရုရှားကို အမေရိကန်တို့ နောက် ထပ် အရေးယူပိတ်ဆို့မှုများ ထပ်မံ ချမှတ်ခဲ့ပြီး သံတမန်များကိုပင် အပြန်အလှန် နှင်ထုတ်ထားကြသူများဖြစ်သည်။

အမေရိကန်တို့က တရုတ်လုပ်သမျှကို မျက်ခြည်မပြတ် စောင့်ကြည့်နေသကဲ့သို့ ရုရှားကိုလည်း လိုက်လံ စောင့်ကြည့်နေသည်။ သို့သော် ရုရှားတို့ ဂျက်တိုက်လေယာဉ်များကို စမ်းသပ်သည့်နေရာ၊ နျူကလီးယားမျိုး ဆက်သစ်များ စမ်းသပ်သည့်နေရာနှင့် လေကြောင်းရန် ကာကွယ်ရေး S မျိုးဆက်များစမ်းသပ်သည့်နေရာကို ယခုအချိန်ထိ အတိအကျ မသိရသေးပေ။ ဂြိုဟ်တုထောက်လှမ်းရေး ဓာတ်ပုံများဖြင့် စုံစမ်းသော်လည်း အမေရိကန်တို့မသိရပေ။ ခန့်မှန်းအဆင့်လောက်အထိနှင့်သာ ယခုအချိန်ထိ ကျေနပ်နေရဆဲဖြစ်သည်။ ထို့ကြောင့် အမေရိကန်တို့က တရုတ်တို့ထက် ရုရှားကို ပိုမိုစိုးရိမ်နေရခြင်း ဖြစ်သည်။

ယခုရုရှားတို့ စစ်ရေးအသုံးစရိတ်များ မည်မျှပင်လျှော့ချသည်ဟု ပြောပြော ယုံကြည်မှု လုံးဝမရှိတော့ပေ။ မရှိလည်း မရှိချင်စရာဖြစ်သည်။ ရုရှားတို့၏ နိုင်ငံပြင်ပစစ်ရေးချဲ့ထွင်မှုများက လက်တံရှည် လျားလှသည်။ အချိန်ခဏအတွင်းမှာပင် ခရိုင်းမီးယားကိုသိမ်း၊ ချက်ချင်းဆီးရီးယားကို ထပ်ရောက်၊ အာရှအလယ်ပိုင်းကို လည်းတစ်ပြိုင်နက်တည်း စစ်ရေးချဲ့ထွင်မှုလုပ်သည်။ ယခုရုရှားတို့ စစ်ရေး သဘောတူညီမှု လုပ်ထားသည့် အာရှအလယ်ပိုင်းနိုင်ငံများ၌ S300 နှင့် S400 လေကြောင်းရန် ကာကွယ်ရေးစနစ်များပင် တပ်ဆင်နေရာ ချသွားတော့မည်ဖြစ်သည်။

ယခုအရှေ့အလယ်ပိုင်း၌ ရုရှားတို့ ဆီးရီးယားကို စစ်အခြေစိုက်စခန်းကြီး တစ်ခုကဲ့သို့ နယ်မြေချဲ့ထွင်ရန် အသုံးချနေကာ ၎င်းကိုထောက်ပံ့ပေးရန် တူရကီကလည်း ယခု မဟာမိတ်အဖြစ် အဆင် သင့် ဖြစ်နေပြီဖြစ်သည်။ ထိုကြားထဲ အီရန်စစ် အခြေစိုက် စခန်းများကို ရုရှားတို့ သုံးချင်သည့် အချိန်သုံးနိုင်သော အာဏာက လည်းရှိနေသည်။ ယခု အီရန်က ရုရှားကို ပိုမိုအားကိုးလာသည့်အတွက် အရှေ့အလယ်ပိုင်း အာဏာ ဝေစုကိုလည်း ရုရှားတို့ အတော်အတန် ရနေပြီဖြစ်သည်။ အာဆီယံဘက်ကို ကြည့်မည်ဆိုလျှင်လည်း စစ်ရေးတွင် ဗီယက်နမ်က အမေရိကန်နှင့် တရုတ်အစား ရုရှား ဘက်သို့ ပိုမိုယိမ်းယိုင်သွားပြီး ဖိလစ်ပိုင်ကလည်း ရုရှားဘက်ကိုပါလာပြန်သည်။ အင်ဒိုနီးရှားကလည်း ရုရှားနှင့် စစ်ရေးပူးပေါင်းလိုကာ နောက်က စီးပွားရေးပါ လိုက်ပါလာသည်။ အာရှ-ပစိဖိတ်၏ အကြီးမားဆုံး စစ်ရေးပူးပေါင်း ထားသူကတော့ လူတိုင်းသိကြသည့် အိန္ဒိယပင်ဖြစ်သည်။

ရုရှားတို့ ပြည်ပစစ်ရေးပူးပေါင်းမှုများထဲတွင် အကောင်းဆုံး အသုံးချစရာ လက်နက်တစ်ခုက လေကြောင်းရန် ကာကွယ်ရေးဆိုသည့် S မျိုးဆက်ဖြစ်သည်။ လေကြောင်းရန် ကာကွယ်ရေး စနစ်များ ထဲတွင် နိုင်ငံကြီးများ အကြိုက်အဖြစ် နံပါတ်တစ်နေရာယူထားကာ အမေရိကန်တို့ပင် အားကျနေရသည့် မျိုးဆက်ဖြစ်သည်။ ထို့ကြောင့် ရုရှားတို့ စစ်ရေးပူးပေါင်းချင်သည်ဆိုလျှင် S300 များ တပ်ဖြန့်ချထားပေးကာ ပူးတွဲလေကြောင်းရန် ကာကွယ်ရေးစနစ်ဆိုပြီး ခေါင်းစဉ်တပ်လိုက်ရုံပင် ဖြစ်သည်။ ယခု အာရှအလယ်ပိုင်းကို ရုရှားလုပ်နေသည်က လည်း ထိုအတိုင်းပင်ဖြစ်သည်။ အာမေး နီးယား၊ ဘယ်လာရုစ်၊ ကာဇက်စတန်၊ တာဂျစ်ကစ္စတန်၊ ဥဇဘတ် ကစ္စတန်တို့မှာ S300 နှင့် S400 များချကာ ပူးတွဲလေကြောင်းရန် ကာကွယ်ရေးဇုန်များပင် တည်ထောင် ထားသည်။ ထိုနိုင်ငံများ၌ ရုရှားတို့ စစ်အခြေစိုက်စခန်းများလည်း ရှိသည့်အတွက် ရုရှားတို့ အတွက်ကတော့ ထပ်မံအင်အား ချဲ့ခြင်းဖြစ်သည်။

ထို့ပြင် ရှိပြီးသား ပြည်ပစစ် အခြေစိုက်စခန်းများကို ရုရှားတို့ ၂ဝ၁၆ ခုနှစ်ကတည်းက ပုံမှန်ကဲ့သို့ပင် စစ်လက်နက်ပစ္စည်းများ တိုးချဲ့တင်ပို့နေကာ အာရှအလယ်ပိုင်း၌ ရုရှားတို့အင်အားက ပိုမိုကြီး မားလာနေသည်။ ထိုအချက်ကို အမေရိကန်တို့ သတိထားမိကာ မျက်ခြည်မပြတ် စောင့်ကြည့်နေရသည်။ တစ်ဖက်မှာလည်း တရုတ်ကိုစောင့်ကြည့်ရ၊ ရုရှားကိုလည်း စောင့်ကြည့်ရ၊ ထိုမျှမက ချိန်ခွင် လျှာ ထိန်းညှိရေးကိုလည်း ထပ်လုပ်ရသည်။ ရုရှားကိုထိန်းချုပ်ရန် ဖွဲ့စည်းပေးထားသည့် မြောက်အတ္တလန္တိတ် စာချုပ်အဖွဲ့ (NATO) က လည်းရုရှားနှင့် ထိပ်တိုက်တွေ့လျှင် အရေးပါ ဆုံးနေရာတွင်မရှိ။ အမေရိကန်တို့ NATO နှင့် ရုရှားဖြစ်လျှင် မဖြစ်မနေဝင်ကူရမည့် အနေအထားဖြစ်သည်။ ရုရှားတို့က NATO ကို ချေမှုန်းရေးဗျူဟာများနှင့် ခံစစ်ကိုပင် အဆင်သင့် ပြင်ထားပြီးသား ဖြစ်သည်။

ထိုအခြေအနေကိုထိန်းညှိရင်း အာရှဘက်ကို ရုရှားတို့ပိုမို အခြေချလာကြကာ ယခုတော့ အမေရိကန်တို့ ပြည်ပစစ်ရေးချဲ့ထွင်မှုတွင် တရုတ်ကိုချည်း ကြည့်၍မရတော့ဘဲ ရုရှားကိုလည်း ပိုမိုေ စာင့်ကြည့်ရန် လိုအပ်လာနေပြီဖြစ်ပါကြောင်း တင်ပြလိုက်ရပါသည်။ရှိန်းထက်

Read 24 times
Rate this item
(0 votes)
Last modified on Friday, 15 June 2018 11:51