SJ WorldNews - шаблон joomla Авто

ယခုလတွင် ဧရာဝတီလင်းပိုင် ထိန်းသိမ်းရေးနှင့် ရပ်ရွာလူထု အခြေပြု ခရီးသွား လုပ်ငန်းအတွက် ကျေးရွာတစ်ရွာ ထပ်မံတိုးချဲ့

Tuesday, 17 October 2017 09:52 font size decrease font size decrease font size increase font size increase font size

စစ်ကိုင်း  အောက်တိုဘာ  ၁၆

ဟိုတယ်နှင့် ခရီးသွားလာရေး ဝန်ကြီးဌာန  သားငှက်ထိန်းသိမ်းရေး အဖွဲ့  (မြန်မာအစီ အစဉ်)နှင့် သစ်တောဦးစီးဌာနတို့ ပူးပေါင်း ၍    ဧရာဝတီလင်းပိုင် ထိန်းသိမ်းရေးနှင့် ရပ်ရွာလူထုအခြေပြု ခရီးသွားလုပ်ငန်းများ ဆောင်ရွက်လျက်ရှိရာ  စစ်ကိုင်းတိုင်းဒေသကြီး အင်တောင်းကျေးရွာကို ယခုလအတွင်း ထပ်မံတိုးချဲ့ခဲ့ကြောင်း  သားငှက်ထိန်းသိမ်းရေး အဖွဲ့ Ecotourism Manager ဦးသန့် ဇင်ထံမှ သိရသည်။

ဧရာဝတီလင်းပိုင်များကို  ကျေးရွာလူထုနှင့်ပူးပေါင်း၍   မန္တလေးတိုင်း ဒေသကြီးရှိ ဆင်ကျွန်း၊ အေးကျွန်း၊  စိန်ပန်းကုံး၊ စည်းသည်၊  မြေစွန်းနှင့် မြစ်ကမ်းကြီး စသည့် ကျေးရွာတို့၌  ရပ်ရွာလူထုအခြေပြု ခရီးသွားလုပ်ငန်းဖြင့်   ဧရာဝတီလင်းပိုင် ထိန်းသိမ်း စောင့်ရှောက်လျက်ရှိရာမှ  ကျေးရွာတစ်ရွာ ထပ်မံတိုးခြင်းဖြစ်ပြီး     လာမည့်နှစ်တွင် စစ်ကိုင်းတိုင်းဒေသကြီးမှ   ရွာသစ်ကိုလည်း ထပ်မံတိုးချဲ့မည်ဖြစ်သည်။

''ဧရာဝတီလင်းပိုင်ကို ကျေးရွာလူထုနဲ့ ပူးပေါင်းထိန်းသိမ်းနိုင်အောင်  ကော်မတီဖွဲ့ထားတာ။  အဓိကကတော့  ကျေးရွာမှာ အလုပ်အကိုင် အခွင့်အလမ်းလည်း ရမယ်။ ဝင်ငွေလည်းရမယ်။ ဧရာဝတီလင်းပိုင်တွေ အပေါ်မှာလည်း  ပိုပြီးတော့ထိန်းသိမ်းနိုင်အောင်၊ နောက်ပြီးလင်းပိုင်တွေအပေါ် ကျရောက်နေတဲ့   ခြိမ်းခြောက်မှုအန္တရာယ်တွေ လျော့ကျသွားအောင်လို့ ရွာသူရွာသားတွေကို  အလုပ်အကိုင် အခွင့်အလမ်းတွေ ပေးလိုက်ရင်  ဧရာဝတီလင်းပိုင်တွေအပေါ် ကျရောက်နေတဲ့အန္တရာယ်တွေလည်း  လျော့နည်းသွားမှာပါ'' ဟု  ဦးသန့်ဇင်ကပြောသည်။

ဧရာဝတီလင်းပိုင်များကို  ပိုမိုထိန်းသိမ်း စောင့်ရှောက်နိုင်ရန်  ရပ်ရွာလူထုအခြေပြု ခရီးသွားလုပ်ငန်းကို ဖော်ဆောင်၍  ဆောင်ရွက်လျက်ရှိရာ ကျေးရွာခုနစ်ရွာ၌ လင်းပိုင် ထိန်းသိမ်းမှုလိုက်ပြရေးအဖွဲ့၊   ထမင်းချက်အဖွဲ့၊  ကျေးရွာဧည့်လမ်းညွှန် အဖွဲ့နှင့်    နွား လှည်းပို့ဆောင်ရေးစသည်ဖြင့် အဖွဲ့များခွဲ၍ ဆောင်ရွက်လျက်ရှိသည်။

ယခုနှစ် ဖေဖော်ဝါရီလ လင်းပိုင်စစ်တမ်း ကောက်ယူမှုစာရင်းအရ မန္တလေးမှ ဗန်းမော် အထိ လင်းပိုင်အကောင်ရေ  ၆၉  ကောင်ရှိကြောင်းနှင့် လက်ရှိတွင်  ဧရာဝတီလင်းပိုင် ထိန်းသိမ်းမှု ဧရိယာသည်    မင်းကွန်း မှကျောက်မြောင်း အထိဖြစ်ပြီး   ၇၄  ကီလိုမီတာ ရှိကြောင်း သိရသည်။

Read 12 times Last modified on Tuesday, 17 October 2017 09:53