SJ WorldNews - шаблон joomla Авто

နိုင်ငံတော် အတိုင်ပင်ခံရုံး ဝန်ကြီးဌာနက သတင်းထုတ်ပြန်ချက် တစ်ရပ်ထုတ်ပြန်

Saturday, 11 August 2018 11:54 font size decrease font size decrease font size increase font size increase font size

သတင်းထုတ်ပြန်ချက်

၂ဝ၁၈ ခုနှစ်၊ သြဂုတ်လ(၁ဝ)ရက်နေ့တွင် နေပြည်တော်ရှိ သင်္ဂဟဟိုတယ်၌  မြန်မာနိုင်ငံနှင့် ဘင်္ဂလားဒေ့ရ်ှနိုင်ငံတို့ အကြား ဝန်ကြီးအဆင့် အစည်းအဝေးတစ်ရပ်ကျင်းပခဲ့ပါသည်။ အဆိုပါအစည်းအဝေးတွင် ၂ဝ၁၇ ခုနှစ်၊  နိုဝင်ဘာလ အတွင်းက နှစ်နိုင်ငံလက်မှတ်ရေးထိုး ထားသည့် ရခိုင်ပြည်နယ်မှ နေရပ်စွန့်ခွာသွားသူများနှင့် စပ်လျဉ်း၍ ဆောင်ရွက်မည့်အစီ အစဉ်အား အကောင်အထည်ဖော်ရေးနှင့်ပတ်သက်ပြီး အမြင်ချင်းဖလှယ် ဆွေးနွေးမှုများပြုလုပ်ခဲ့ပါသည်။

အဆိုပါအစည်းအဝေးအား ပြည်ထောင်စု သမ္မတမြန်မာနိုင်ငံတော်၊ နိုင်ငံတော်အတိုင်ပင်ခံရုံး ဝန်ကြီးဌာန ပြည်ထောင်စု ဝန်ကြီး ဦးကျော်တင့်ဆွေ နှင့် ဘင်္ဂလားဒေ့ရ်ှပြည်သူ့သမ္မတနိုင်ငံ၊ နိုင်ငံခြားရေးဝန်ကြီး မစ္စတာအဘူအာဆန်မာမွတ် အာလီတို့မှ ပူးတွဲသဘာပတိများအဖြစ် ဆောင်ရွက်ခဲ့ပြီး အလုပ်သမား၊  လူဝင်မှုကြီးကြပ်ရေးနှင့်  ပြည်သူ့အင်အား ဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေနှင့်  လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေးဝန်ကြီး ဌာန၊ ပြည်ထောင်စု ဝန်ကြီး ဒေါက်တာ ဝင်းမြတ်အေး၊ ဌာနဆိုင်ရာတာဝန်ရှိ သူများနှင့် ကိုယ်စားလှယ်အဖွဲ့ဝင်များ တက်ရောက်ခဲ့ကြသည်။

အစည်းအဝေးတွင် အောက်ဖော်ပြပါအချက်များ သဘောတူညီခဲ့ပါသည်-

(က) မကြာသေးမီက ကော့(ဇ်)ဘဇားသို့ ထွက်ပြေးတိမ်းရှောင်သွားသည့် ရခိုင်ဒေသမှ နေရပ်စွန့်ခွာ သွားကြသူများအား ပြန်လည် လက်ခံရေးလုပ်ငန်းစဉ်ကို ဆောလျင်စွာစတင်နိုင်ရန် နှစ်နိုင်ငံအကြား သဘောတူညီခဲ့ပါသည်။ ပြန်လည် လက်ခံရေးဆောင် ရွက်ရာတွင် မိမိဆန္ဒအလျောက် လုံခြုံစိတ်ချစွာနှင့် ဂုဏ်သိက္ခာရှိစွာ နေရပ်ပြန်နိုင်ရေး ဆောင်ရွက်ရမည်ဖြစ်ပါသည်။ သို့ဖြစ်၍  နှစ်နိုင်ငံဝန်ကြီးများအကြား ပြန်လည်လက်ခံရေးဆိုင်ရာကိစ္စရပ်များကို  ဆွေးနွေးရာတွင် အဆင်ပြေချောမွေ့ေ စရေး အတွက်  တိုက်ရိုက်အဆက်အသွယ်မှုပြုနိုင်မည့် HOTLINE တစ်ခု ထူထောင် ထားပြီးဖြစ်ပါသည်။

(ခ) နှစ်နိုင်ငံ အကြား သဘောတူထားသည့် စိစစ်ရေးပုံစံ (VERIFICATION  FORMS) များကို ကော့(ဇ်)ဘဇားတွင် ရောက်ရှိ နေသည့် နေရပ်စွန့်ခွာသွားသူများထံ ဖြန့်ဝေရေးနှင့် ပုံစံများကို ၎င်းတို့ ကိုယ်တိုင်ဖြည့်စွက်နိုင်ရန်  သဘောတူ ညီခဲ့ပါ သည်။

ထို့ပြင် မြန်မာအစိုးရအနေဖြင့် စိစစ်ရေးလုပ်ငန်းများဆောင်ရွက်ရာတွင် အထောက်အကူပြုစေရန်နှင့် နေရပ်စွန့်ခွာ သွားသူများသည်  ၎င်းတို့ ဆန္ဒအလျောက်  ပြန်လည် ဝင်ရောက်လိုခြင်းဖြစ် ကြောင်းအား သက်သေပြနိုင်မည့် ပြန်လည်ဝင်ရောက်လိုသူ၏ လက်မှတ်၊ လက်ဗွေနှင့် ဓာတ်ပုံများအား ပုံစံများတွင် ထည့်သွင်း ဖြည့်စွက်သွားစေရန် အတွက်လည်း နှစ်နိုင်ငံအကြား သဘော တူညီခဲ့ပါသည်။

(ဂ) ပြန်လည်လက်ခံရေးအစီအစဉ်တွင်   သဘောတူထားသည့် အတိုင်း မြန်မာအစိုးရ အနေဖြင့် ယာယီ လက်ခံရေး စခန်း(၂)ခု နှင့် ကြားစခန်း(၁)ခုဖွင့်လှစ်ထားပြီးဖြစ်ပါသည်။ ဘင်္ဂလားဒေ့ရှ် နိုင်ငံအနေဖြင့်  ဆောင်ရွက်ရန် သဘောတူ ထားသည့် ယာယီစခန်း(၅)ခုအနက် စခန်း (၁)ခုအား ဆောက်လုပ်ပြီးဖြစ်ကြောင်း၊ ယာယီစခန်း (၁)ခုမှာ ဆောက်လုပ်ဆဲဖြစ်ကြောင်း၊ ယာယီစခန်း(၃)ခုမှာ ဆောက်လုပ်ရန် ကျန်ရှိနေသေးကြောင်း ကို အတည်ပြု ပြောကြားခဲ့ပါသည်။

(ဃ) အကြမ်းဖက်မှုနှင့် မူးယစ်ဆေးဝါးတိုက်ဖျက်ရေးတွင် ပူးပေါင်းဆောင်ရွက်မှုအရှိန်မြှင့်တင် ဆောင်ရွက် သွားရန် အတွက် သတင်းများ အပြန်အလှန်ဖလှယ်ရေး၊ နှစ်နိုင်ငံ နယ်စပ်လုံခြုံရေးအတွက် တာဝန်ရှိသူများ အကြား နီးကပ်စွာ ပူးပေါင်းဆောင် ရွက်နိုင်ရေး၊ နယ်ခြားစောင့်တပ်ဖွဲ့များအကြား ပူးပေါင်းဆောင်ရွက်မှုမြှင့်တင် ရေးတို့ကို နှစ်နိုင်ငံအကြားသဘောတူညီခဲ့ပါသည်။

(င) မြန်မာနှင့် ဘင်္ဂလားဒေ့ရ်ှနှစ်နိုင်ငံအကြား နိုင်ငံတကာ နယ်နိမိတ်တွင် နေထိုင်လျက်ရှိသူများ၊ အထူးသဖြင့် နိုင်ငံတကာ နယ်နိမိတ်နှင့် မြန်မာနိုင်ငံ ပိုင်နက်နယ်မြေပေါ်တွင် တည်ဆောက်ထားသည့် ခြံစည်းရိုး အကြား နေထိုင်နေ သူများအား ပြန်လည် လက်ခံ နိုင်ရေးအတွက် ပူးပေါင်းဆောင်ရွက်မှုများ တိုးမြှင့်ပြုလုပ်သွားရန်  နှစ်နိုင်ငံ အကြား သဘောတူညီခဲ့ပါသည်။

(စ) ထို့ပြင် အဆိုပါမြန်မာ ပိုင်နက်နယ်မြေပေါ်တွင် နေထိုင်နေသူများအား လူသားချင်း စာနာထောက်ထားမှု ပစ္စည်းများ ထောက်ပံ့ပေးသည့် ကိစ္စအား  မြန်မာနိုင်ငံဘက်ရှိ  အထောက်အပံ့ပေးရေး ဆိုင်ရာအဖွဲ့အစည်းများမှ ဆောင်ရွက်သွားရန် အတွက် နှစ်နိုင်ငံ အကြား သဘောတူညီခဲ့ပါသည်။

(ဆ) မြန်မာနိုင်ငံမှ နေရပ်စွန့်ခွာသွားသူများအား ထုတ်ပေးထားသည့် သက်သေခံလက်မှတ်များ အပေါ်တွင် အသုံးပြုထားသည့် အသုံး အနှုန်းအား ပြန်လည်ပြင်ဆင်ပေးရန်အတွက် ဘင်္ဂလားဒေ့ရ်ှဘက်မှ သဘောတူညီခဲ့ ပါသည်။

(ဇ)  နှစ်နိုင်ငံနယ်နိမိတ် မှတ်တိုင် ဘီပီ-၃၄ နှင့် ဘီပီ-၃၅ အကြားရှိ နယ်စပ်မျဉ်းအား   နှစ်နိုင်ငံ ပူးတွဲ စစ်ဆေးမှု တစ်ရပ်ပြု လုပ်ရန် နှစ်နိုင်ငံအကြား သဘောတူညီခဲ့ပါသည်။

ရခိုင်ပြည်နယ်မှ  နေရပ်စွန့်ခွာ သွားသူများကိစ္စအား  ဖြေရှင်းရာတွင် အိမ်နီးချင်းကောင်း ပီသစွာဖြင့် နှစ်ဖက်ညှိနှိုင်း တိုင်ပင်ဆောင်ရွက်သွားရန်နှင့် နှစ်နိုင်ငံအကြား စီးပွားရေးနှင့်ကုန်စည်ကူးသန်းရောင်းဝယ်ရေးဆိုင်ရာ ကိစ္စရပ်များ တိုးမြှင့်ဆောင်ရွက် သွားရန်သဘောတူညီခဲ့ပါသည်။

နိုင်ငံတော် အတိုင်ပင်ခံရုံး ဝန်ကြီးဌာန

နေပြည်တော်

၂ဝ၁၈ ခုနှစ်၊ သြဂုတ်လ (၁ဝ) ရက်

 

 

 

 

Read 14 times Last modified on Saturday, 11 August 2018 12:14