SJ WorldNews - шаблон joomla Авто

မြန်မာ-ဂျပန် နှစ်နိုင်ငံနိုင်ငံခြားရေးဝန်ကြီးများ ပူးတွဲသတင်းစာရှင်းလင်း

Saturday, 13 January 2018 10:49 font size decrease font size decrease font size increase font size increase font size

နေပြည်တော် ဇန်နဝါရီ ၁၂

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဂျပန်နိုင်ငံ နိုင်ငံခြားရေး ဝန်ကြီး  H.E.Mr. Taro KONO တို့သည် ယနေ့နံနက်ပိုင်းတွင် နေပြည်တော်ရှိ နိုင်ငံခြားရေး ဝန်ကြီးဌာန၌ နှစ်နိုင်ငံပူးတွဲ သတင်းစာ ရှင်းလင်းပွဲတစ်ရပ် ပြုလုပ်ခဲ့သည်။

နှစ်နိုင်ငံပူးတွဲ သတင်းစာရှင်းလင်းပွဲ၌ ဂျပန်နိုင်ငံခြားရေးဝန်ကြီးက နှုတ်ခွန်းဆက် စကား ပြောကြားရာတွင် ''ဒီနေ့မှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ မြန်မာနိုင်ငံရဲ့ အခြေအနေ၊ ဒေသတွင်းဆိုင်ရာ အခြေအနေတွေနဲ့ ပတ်သက်ပြီး အင်မတန် အကျိုးကျေးဇူးရှိတဲ့ အမြင်ချင်း ဖလှယ်မှုကို ဆောင်ရွက်နိုင်ခဲ့ပါတယ်။

ကျွန်တော်က မြန်မာပြည်သူပြည်သားတွေရဲ့ ဘဝအဆင့်မြှင့်တင်ရေးကို လက်တွေ့ခံစား နိုင်စေဖို့ ရည်ရွယ်ထားတဲ့ ဂျပန်နိုင်ငံရဲ့ ကူညီထောက်ပံ့မှု အစီအစဉ်ကို ဒီနေ့ပြောကြား ခဲ့ပါတယ်။ ၂ဝ၂ဝ ပြည့်နှစ်မှာ ရန်ကုန်နဲ့တောင်ငူအကြား ၃ နာရီခွဲနဲ့ သွားရောက်နိုင် ဖို့ရထားလမ်း အဆင့်မြှင့်တင်မှုကို အပြီးဆောင်ရွက် ပေးသွားမှာဖြစ်ပါတယ်။ ၂ဝ၂၃ ခုနှစ်မှာတော့ ရန်ကုန်နဲ့မန္တလေးအကြား သွားဖို့အချိန် ၈ နာရီနဲ့ သွားရောက်နိုင်ဖို့ ဆောင်ရွက်ပေးမှာမို့ ပြည်သူပြည်သားတွေ သွားလာရေးနဲ့ ကုန်သွယ်ရေးမှာ ပိုပြီးတော့ ချောမွေ့မြန်ဆန်သွားမှာ ဖြစ်ပါတယ်။ ရခိုင်ပြည်နယ်ရဲ့ အခြေအနေနဲ့ ပတ်သက်ပြီး တော့လည်း အမြင်ချင်း ဖလှယ်ဆွေးနွေးခဲ့ ပါတယ်။ လူသားချင်း စာနာထောက်ထားမှုဆိုင်ရာ လမ်းကြောင်းတိုးချဲ့ဖို့၊ ပြည်တွင်းပြည်ပမီဒီယာတွေ သွားလာခွင့်ပိုပြီးတော့ရရှိဖို့၊ လုံခြုံပြီး ဒုက္ခသည်တွေ ကိုယ့်သဘောနဲ့ကိုယ် ပြန်လာနိုင်ဖို့၊ ပြန်လည်နေရာချထားရေး လုပ်နိုင်ဖို့နဲ့ မစ္စတာကိုဖီအာနန် အကြံပေးချက်ကို အကောင်အထည်ဖော်နိုင်ဖို့ တောင်းဆိုခဲ့ပါတယ်။

အခုအချိန်မှာ ဒုက္ခသည်တွေပြန်လာနိုင်ဖို့၊ ပြန်လည်နေရာချထားနိုင်ဖို့ ကူညီထောက်ပံ့မှု အနေနဲ့ မြန်မာအစိုးရကို ဒုက္ခသည်တွေနေထိုင်ဖို့ လိုအပ်တဲ့ ဒေါ်လာ ၃ သန်းတန်ဖိုးရှိတဲ့ ပစ္စည်းတွေကို ပေးအပ်ဖို့ဆုံးဖြတ်ခဲ့ပါတယ်။ နောက်တစ်ခုက နိုင်ငံတကာ အဖွဲ့အစည်း တွေကနေတစ်ဆင့် ရခိုင်ပြည်နယ်ရဲ့ လူသားချင်း စာနာထောက်ထားမှုဆိုင်ရာ အခြေအနေ တွေကို ကောင်းမွန်စေဖို့ အတွက်အထူးသဖြင့် အမျိုးသမီးတွေ ကိုယ့်ဘာသာ ရပ်တည်နိုင်ဖို့ ရည်ရွယ်ထားတဲ့ အသက်မွေး ဝမ်းကျောင်းပညာပေးရေး အပါအဝင် ဒေါ်လာ သန်း ၂ဝ တန်ဖိုး ရှိတဲ့ ကူညီထောက်ပံ့မှုကို ဆောင်ရွက်သွားဖို့ စီစဉ်နေပါတယ်။

ဒါက ဂျပန်လွှတ်တော်ရဲ့ သဘောတူညီချက်ကိုရမှ တရားဝင်ပြောနိုင်မှာ ဖြစ်ပါတယ်။ဒီလိုပဲ ဂျပန်နိုင်ငံအနေနဲ့ မြန်မာနိုင်ငံရဲ့ ဆောင်ရွက်ချက်ကို တတ်နိုင်သလောက် ကူညီထောက်ပံ့ သွားဖို့ရှိပါတယ်။ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သီလဝါ အထူးစီးပွားရေးဇုန်နဲ့ ဒေသတွင်းဆက်သွယ်ရေး Connectivity ကို ပိုပြီးတော့ ခိုင်မာစေရေး ပိုပြီးဆောင်ရွက်သွားဖို့၊ ဆက်လက်ပြီး ဆောင်ရွက်သွားဖို့ အတည်ပြုခဲ့ပါတယ်။ ဒီနှစ် ဂျပန်နိုင်ငံမှာ ကျင်းပဖို့ရှိတဲ့ မဲခေါင်-ဂျပန် ထိပ်သီးအစည်းအဝေးကို နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် တက်ရောက်နိုင်ဖို့ ကျွန်တော်တို့ ဆွေးနွေးခဲ့ပါတယ်။ ဂျပန်နိုင်ငံအနေနဲ့ ဆက်လက်ပြီးတော့ မိတ်ရင်းဆွေရင်း နိုင်ငံဖြစ်တဲ့ မြန်မာနိုင်ငံနဲ့ ဆက်ဆံရေး ကို ပိုပြီး အဆင့်မြှင့်တင်သွားမှာဖြစ်ပါတယ်''ဟု ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ်က ပြောကြားရာတွင် ''နိုင်ငံခြားရေး ဝန်ကြီးအသစ်ကို ကြိုဆို နိုင်တဲ့အတွက် အများကြီး ဝမ်းသာပါတယ်။ ကျွန်မတို့ရဲ့ မိတ်ဆွေကောင်းဖြစ်တဲ့ ဂျပန်နိုင်ငံရဲ့ ကိုယ်စားလှယ် တစ်ယောက်အနေနဲ့ နွေးထွေးစွာကြိုဆိုပါတယ်။ ကျွန်မတို့မြန်မာနိုင်ငံနဲ့ ဆက်ဆံရေးဟာ အမြဲပဲနွေးထွေးခဲ့ပါတယ်။ ကျွန်မတို့ လိုအပ်တဲ့ အချိန်မှာလည်း ဂျပန်နိုင်ငံဟာ အကူအညီတွေ အမြဲပဲပေးလေ့ရှိပါတယ်။ ဒီနေ့လည်း ဝန်ကြီးနဲ့တွေ့တဲ့အခါမှာ ကျွန်မတို့နိုင်ငံရဲ့ လမ်းပန်းဆက်သွယ်ရေး၊ လျှပ်စစ်မီးရရှိရေးကို ဘယ်လိုထောက်ပံ့မယ်ဆိုတာ တွေကိုလည်း အများကြီး ဆွေးနွေးခဲ့ပါတယ်။ ကျွန်မတို့နှစ်နိုင်ငံ ပူးပေါင်းဆောင်ရွက်နေတဲ့ စီမံကိန်းတွေ အရှိန်အဟုန်နဲ့ ပြီးမြောက်စေဖို့၊ ပိုပြီးတော့ တိုးတက်စေဖို့လည်း ဆွေးနွေး ခဲ့ပါတယ်။ ရခိုင်ပြည်နယ်မှာ ဖွံ့ဖြိုးတိုးတက်မှုတွေဖြစ်ဖို့ အတွက်ရယ်၊ နောက်ပြီးတော့ ဒုက္ခသည်တွေ ပြန်လာရင် သေသေချာချာ ကောင်းကောင်းမွန်မွန် လက်ခံနိုင်ဖို့ကိစ္စတွေကို ဂျပန်နိုင်ငံကနေ ဘယ်လိုအကူအညီ ပေးနိုင်မလဲဆိုတာ တွေကိုလည်းကျွန်မတို့ ဆွေးနွေး ခဲ့ပါတယ်။ ရေတိုလိုအပ်ချက်တွေ သာမကဘူး။ ရေရှည်လိုအပ်ချက်တွေကိုလည်း ဖြည့်ဆည်း ပေးဖို့ ဂျပန်နိုင်ငံအနေနဲ့ စေတနာရှိတဲ့အတွက် ကျွန်မတို့ အင်မတန်မှ ကျေးဇူးတင်ပါတယ်။ ဖွံ့ဖြိုးတိုးတက်ရေးဆိုတာ အချိန်ယူရတယ်ဆိုတာ ကျွန်မတို့ အားလုံးသဘော ပေါက်ပါတယ်။ သို့သော်ငြားလည်း ကျွန်မတို့အနေနဲ့ အမြန်ဆုံးဖြစ်မြောက်စေချင်တဲ့ ဆန္ဒကို ဂျပန်နိုင်ငံ ကနေပြီးတော့ နားလည်မှုပေးပြီးတော့ ပံ့ပိုးမှုပေးတဲ့ဟာကိုလည်း တန်ဖိုးထားပါတယ်။ ကျွန်မတို့ ဘာတွေဆွေးနွေးခဲ့တယ်ဆိုတာ ဝန်ကြီး KONO အနေနဲ့ အားလုံးပြောပြီးပြီဆိုတော့ ကျွန်မအနေနဲ့ ထပ်ပြီးပြောစရာမရှိတော့ပါဘူး။ ကျွန်မဖြည့်စွက်ပြီး ပြောချင်တာကတော့ ကျွန်မတို့နဲ့ ဂျပန်နိုင်ငံဟာ ဖြတ်သန်းခဲ့ရတဲ့ အခက်အခဲတွေ တူတူညီညီရှိခဲ့တာကြောင့်မို့ တစ်ယောက်နဲ့ တစ်ယောက် နားလည်မှုရှိတယ်။ ဒီလို နားလည်မှုအပေါ်မှာ အခြေခံပြီးတော့ ကျွန်မတို့ နှစ်နိုင်ငံရဲ့ မိတ်ဆွေ အရင်းအချာအဖြစ်နဲ့ ရပ်တည်ရေးဟာ ပိုမို၍ အရှိန်အဟုန် ရသွားမယ်လို့ ကျွန်မတို့မျှော်လင့်ပါတယ်။ ဒါကြောင့်မို့လို့လည်း မကြာခဏ ဆက်ပြီးတော့ လည်း တွေ့နိုင်ဖုိ့ မျှော်လင့်ပါတယ်။

နိဂုံးချုပ်အနေနဲ့တော့ ဝန်ကြီးနဲ့ ဝန်ကြီးရဲ့အဖွဲ့ ရခိုင်ပြည်နယ်သွားမယ့် ခရီးဟာအားလုံး ပြေပြစ်မယ်၊ ချောမွေ့မယ်လို့ မျှော်လင့်ပါတယ်။ အဲဒီအတွက်လည်း ကျွန်မတို့ အားလုံး တတ်နိုင်သမျှ သေသေချာချာ စီစဉ်ဆောင်ရွက်ထားပါတယ်''ဟု ပြောကြားသည်။

ထို့နောက် သတင်းထောက်များ၏ မေးမြန်းမှုများကို ပြန်လည်ဖြေကြားကြကြောင်း သတင်းရရှိ သည်။

Read 6 times Last modified on Saturday, 13 January 2018 10:52