SJ WorldNews - шаблон joomla Авто

ဇီဝ မျိုးစုံ မျိုးကွဲများ ထိန်းသိမ်းရေး

Wednesday, 15 November 2017 09:58 font size decrease font size decrease font size increase font size increase font size

(၂ဝ၁၇ ခုနှစ်၊ နိုဝင်ဘာ ၁၅ ရက်)

ကျေးငှက်သားရဲ တောမှာမြဲ၏ ဆိုကြသည့်အတိုင်း တောတောင်ရေမြေ သဘာဝအလျောက် ကျက်စားကြ သော ခြေနှစ်ချောင်းသတ္တဝါ၊ ခြေလေးချောင်းသတ္တဝါ၊ တွားသွားသတ္တဝါ စသည်တို့ သဘာဝလောက အတွင်းဝယ် အရွယ်ကြီးငယ်မရွေး သူ့အားသူ့မာန်နှင့် ရုန်းကန်လှုပ် ရှားနေကြသည်။ အရွယ်သေးငယ်သော မိုးဆွေ ငှက်ငယ်တစ်ကောင်၏ အားမာန်ကို ဆရာဇော်ဂျီက ဖွဲ့ဆိုရာ၌ ''မြည်နိုင်စွလေ၊ ငှက်မိုးဆွေ၊ မိုးဆွေငှက်ငယ်၊ မိုးပြန့်ကျယ်တွင်၊ အရွယ်အဟန့်၊ လက်မခန့်လည်း၊ အံ့သြဖွယ်သာ၊ သတ္တဝါတို့၊ ဖြစ်ရာဘဝ၊ အားမာန်ပြသို့၊ နှုတ်က တွတ်တွတ်၊ ဖတ်ရွတ်ညိုးညံ၊ သူ့အားမာန်သည်၊ မိုးယံခွဲမည်ထင်မိ၏''ဟူ၍ဖွဲ့ဆိုထားသည်။

အတောင်ရှိသော သတ္တဝါက အတောင်ကိုအားကိုး၍ မိမိရှင်သန်ရေး ကြိုးစားကြသည်။ ထို့အတူ ဦးချိုရှိသော သတ္တဝါ၊ အစွယ်ရှိသော သတ္တဝါတို့ကလည်း ဆိုင်ရာဆိုင်ရာ အားကိုး၍ မိမိတို့ရှင်သန်ရေးကို အားကိုးကြရသည်။ ကမ္ဘာကြီးပူနွေးလာမှုနှင့် ရာသီဥတု ဖောက်ပြန် မှုကြောင့် ရေမြေတောတောင် သဘာဝကို မှီခိုနေရ သော ကျေးငှက်သားရဲ တိရစ္ဆာန်တို့မှာ စားကျက်ကျဉ်းမြောင်း လာရသည့်အပြင် တောလိုက်မုဆိုးနှင့် ငှက်မုဆိုးတို့က ဖမ်းဆီးသတ်ဖြတ်မှုကြောင့် အချို့သော တိရစ္ဆာန်များကို မျိုးသုဉ်း ပျောက်ကွယ်တော့မည့် အန္တရာယ်က ခြိမ်ြးေ ခာက်လျက်ရှိသည်။ ကမ္ဘာလုံးဆိုင်ရာ တောရိုင်းတိရစ္ဆာန် ထိန်းသိမ်းရေး ရန်ပုံငွေအဖွဲ့၊ သားငှက်တိရစ္ဆာန် ကူးသန်းရောင်းဝယ်မှု စောင့်ကြည့်ရေး ကွန်ရက်နှင့် သားငှက်ထိန်းသိမ်းရေး အဖွဲ့တို့၏ လေ့လာတွေ့ရှိချက်အရ မြန်မာ၊ ထိုင်းနှင့် လာအိုနိုင်ငံတို့ နယ်နိမိတ်ချင်းထိစပ်နေေ သာ တြိဂံဒေသ၌ ကျား၊ ဆင်၊ သင်းခွေချပ်၊ ကြံ့၊ ဝက်ဝံ၊ တောင်ဆိတ်၊ အောက်ချင်းငှက်၊ ပြောင်၊ ကျားသစ်နှင့်လိပ်ဟူသော သားငှက်တိရစ္ဆာန် ၁ဝ မျိုးတို့ကို တရားမဝင် ရောင်းဝယ်နေကြကြောင်း သိရသည်။

သားငှက် တိရစ္ဆာန်တို့၏ တစ်မျိုးချင်း အသုံးဝင်မှုမှာ ကျားသားရေ၊ ကျားစွယ်၊ ကျားရိုးတို့ကို ဆေးဖော်စပ်ရာတွင် အသုံးပြုကြသည့်အပြင် အလှဆင်ပစ္စည်းနှင့် ဝိုင်အရက် ချက်လုပ်ရာတွင်လည်း အသုံးပြုကြသည်။ အလားတူ ဆင်တစ်ကောင်လုံး အသုံးချနည်းကိုပါ ကျွမ်းကျင်ကြ သည်။ ဈေးကွက်အတွင်းရှိ ဆင်စွယ်များမှာ အာဖရိကတိုက်မှ တရားမဝင် ရောက်ရှိလာသော ဆင်စွယ်များဖြစ်ပြီး ဆင်သားရေမှာ မြန်မာနိုင်ငံဘက်မှ အများဆုံး ဝင်ရောက်ကြောင်း သိရသည်။ ရွှေတြိဂံဈေးကွက်အတွင်း ရောင်းဝယ်နေကြသော သင်းခွေချပ်လေး မျိုးသည် အာဖရိ ကတိုက်မှ ရောက်လာခြင်းဖြစ်ပြီး အာရှတိုက်မှ လေးမျိုးရောက်လာခြင်း ဖြစ်ကြောင်း၊ ၎င်းသင်းခွေချပ်များအား ကာကွယ်ထိန်းသိမ်း စောင့်ရှောက်ရန် အပြည်ပြည်ဆိုင်ရာ ဥပဒေဖြင့် ပြဋ္ဌာန်းထားသည်။ သို့သော် ရွှေတြိဂံဈေးကွက် အတွင်း၌ အသားစားသုံးမှု၊ သင်းခွေချပ် အကြေးခွံ ကို ဆေးဖော်ရန် ရောင်းဝယ်မှုတို့ တွင်ကျယ်လျက်ရှိသည်။ ကြံ့သတ္တဝါမှ ရရှိသော အစိတ်အပိုင်းများမှာ အာဖရိကမှ တရားမဝင် တင်သွင်းမှု အများဆုံးဖြစ်မည်ဟု ခန့်မှန်းရပြီး ကြံ့ဦးချိုကို ဆေးဖော်ရာတွင် လည်းကောင်း အထူးသဖြင့် ဗီယက်နမ်နိုင်ငံတွင်  ငွေကြေးချမ်းသာ ကြွယ်ဝ သူများက အိမ်အလှဆင်ရန် ဝယ်ယူကြသည်။

အာရှနိုင်ငံများတွင် နေထိုင်ကျက်စားသော ဝက်ဝံအနက်နှင့် မလေးရှားနိုင်ငံတွင် ကျက်စားသော ဝက်ဝံမျိုး စိတ် (Sun Bear) တို့၏ သည်းခြေအိတ်မှ ထုတ်ယူရရှိသော သည်းခြေရည်သည် ဆေးဖက်ဝင် ပစ္စည်းတစ်မျိုး ဖြစ်ပြီး ဝက်ဝံခြေထောက်နှင့် လက်တို့ကို စွပ်ပြုတ်ရည်အဖြစ် စားသောက်ကြသည်။ မြန်မာနိုင်ငံ၌ ဝက်ဝံ သည်းခြေရည်ကို ငှက်ဖျားပျောက်ဆေး ဖော်စပ်ရာတွင် အသုံးပြုကြရာ အစွမ်းထက်ကြောင်း သိရသည်။ တောင်ဆိတ်နှင့်တူသော ဆိတ်တူ-သမင်တူသတ္တဝါ (Serow) ၏ ဦးချို၊ အရိုးစု၊ ရှေ့ခြေထောက်၊ ဦးခေါင်း၊ သည်းခြေအိတ်နှင့် အ ဆီတို့ကို ဆေးဖက်ဝင် ပစ္စည်းများအဖြစ် ဈေးကွက်အတွင်း ရောင်းဝယ်ကြရာ လာအို နိုင်ငံသားတို့ အဝယ်များသည်။ ပြောင်ဦးချိုနှင့် သည်းခြေအိတ်တို့ကို ဆေးဖက်ဝင်ပစ္စည်းအဖြစ် ရောင်းဝယ် ဖောက်ကားကြပြီး ပြောင်ဦးခေါင်း တစ်ခုလုံးကိုမူ အောင်ပွဲ အထိမ်းအမှတ်အဖြစ် အ သုံးပြုရန် ဝယ်ယူကြကြောင်း သိရသည်။ ကျားသစ်တစ်ကောင်လုံး ပုံစံမပျက်သော သားရေနှင့် ကျားသစ်ဦးခေါင်းတို့ကို ဈေးကွက်အတွင်း ရောင်းဝယ်နေကြသော်လည်း မည်သည့်နိုင်ငံမှ လာရောင်းသည်ကို အတိအကျပြောရန် ခက်ခဲပါသည်ဟု ဆိုသည်။

မြန်မာနိုင်ငံ ချင်းပြည်နယ်တွင် တွေ့ရသော အောက်ချင်းငှက်နှင့် တူသည့်ငှက်ကြီးတစ်မျိုး (Helmeted hornbill) ကို တရုတ်ပြည်သူ့ သမ္မတ နိုင်ငံဘက်က အဝယ်လိုက်နေသဖြင့် မျိုးသုဉ်းပျောက်ကွယ်မည့် အန္တရာယ်နှင့် ကြုံတွေ့ရသည်တွင် အင်ဒိုနီးရှားနိုင်ငံ ပါဝင်ကြောင်း သိရ သည်။ ဈေးကွက်အတွင်း အခြား တွေ့ရသော တိရစ္ဆာန်တစ်မျိုးမှာ ပင်လယ်လိပ်နှင့် ကုန်းလိပ်အရှင်များကိုလည်း ရောင်းဝယ်နေကြရာ အသားစားနှင့်လိပ်ခွံကို အလှဆင်ပစ္စည်းအဖြစ် သုံးရန်ဖြစ်သည်။ မူလတန်း ကလေးဘဝက မြန်မာစာလုံးပေါင်း သတ်ပုံမှ အပင့်၊ အရစ်ခွဲခြား သိစေရန် ''ကျားဆရာကြောင်၊ တောမှာပြောင်၊ ဆင်ပြောင်ကိုလည်း ရစ်ရမည်'' ဟူသော သံပေါက်ကို ယခုတိုင် မှတ်မိနေသေးသည်။ ထိုအချိန်က မြန်မာစာလုံးပေါင်း သတ်ပုံ သံပေါက်အဖြစ်သာ သိခဲ့ရသော်လည်း တောရိုင်း တိရစ္ဆာန်တို့က လူသားတို့အတွက် အကျိုးပြုသည့် တန်ဖိုးကို မသိခဲ့ပေ။ အရွယ်သေးငယ်သော မိုးဆွေငှက်ကလေးသည်ပင် သူ့ဘဝသူ့အားမာန်နှင့် ရုန်းကန်လှုပ်ရှားရင်း သူ့အသိုင်းအဝိုင်းမှာ ပျော်မြူးနေလျှင် အခြားသတ္တဝါတို့သည်လည်း မိုးဆွေငှက်ငယ်ထက် လျော့မည်မဟုတ်သည် ကိုဆင်ခြင်၍ ဇီဝမျိုးစုံမျိုးကွဲများ လျော့နည်းေ ပျာက်ကွယ် မသွားရေး ဝိုင်းဝန်းထိန်းသိမ်း ကြပါရန် မြဝတီက တိုက်တွန်းနှိုးဆော် လိုက်ရပါသည်။

Read 19 times Last modified on Wednesday, 15 November 2017 10:01