SJ WorldNews - шаблон joomla Авто

အခွင့်အလမ်းကို လက်မလွတ်တမ်း ဆုပ်ကိုင်

Monday, 09 October 2017 08:33 font size decrease font size decrease font size increase font size increase font size

ကမ္ဘာ့နိုင်ငံအသီးသီး၌ စက်မှုကုန်ထုတ် လုပ်ငန်းများ ဖွံ့ဖြိုးလာသည်နှင့်အမျှ စွမ်းအင်သုံးစွဲမှု ပမာဏမြင့်တက်လျက်ရှိရာ ရုပ်ကြွင်းလောင်စာသုံးစွဲမှုကို မှီခိုရသည့် အခြေအနေမှ ပြန်လည်ပြည့်ဖြိုးမြဲ စွမ်းအင်ထုတ်လုပ် သုံးစွဲနိုင်သည့် အခြေအနေသို့ ပြောင်းလဲနိုင်ရန် ကြိုးစားနေကြသည်။

ယခုအချိန်တွင် ပြန်လည်ပြည့်ဖြိုးမြဲ စွမ်းအင်ထုတ်လုပ် သုံးစွဲမှု အခြေအနေမှာ နှစ်စဉ် ၂ ဒသမ ၈ ရာခိုင်နှုန်း တိုးတက်လျက်ရှိရာ ၂ဝ၃၅ ခုနှစ်တွင် ၁၅ ရာခိုင်နှုန်းအထိ တိုးတက်လာနိုင်မည်ဟု ခန့်မှန်းထားကြသည်။

မြန်မာနိုင်ငံရှိ စက်မှုကုန်ထုတ် လုပ်ငန်းများနှင့် သယ်ယူပို့ဆောင်ရေး ယာဉ်များမှာ ဒီဇယ်၊ ဓာတ်ဆီ၊ သဘာဝဓာတ်ငွေ့နှင့် ဓာတ်ငွေ့ကိုအများဆုံး သုံးစွဲနေကြသည်။ စက်မှုဇုန်များနှင့် သယ်ယူပို့ဆောင်ရေး ယာဉ်များကြောင့် မြို့ပြဒေသများနှင့် ကျေးလက်ဒေသများ၌ လေထုညစ်ညမ်းမှုဖြစ်ပေါ်ရာမှ လူ၊ တိရစ္ဆာန်၊ အပင်နှင့် အဆောက်အအုံများကိုပါ အန္တရာယ်ဖြစ်စေသည်။ ကမ္ဘာ့နိုင်ငံများတွင် ရုပ်ကြွင်းလောင်စာသုံးစွဲမှု သက်သာစေရန် အဆင့်မြင့်နည်းပညာဖြင့် အဏုမြူဓာတ်ပေါင်းဖိုမှ စွမ်းအင်ထုတ်လုပ် သုံးစွဲသည့်တိုင်အောင် ဘေးအန္တရာယ်က မလွတ်ကင်းနိုင်သေးပေ။ ယခုဆယ်စုနှစ်တစ်ခုအတွင်း ဂျပန်နိုင်ငံ၌ ဆူနာမီငလျင်နှင့် ဒီရေလှိုင်းများကြောင့် ၂ဝ၁၁ ခုနှစ် မတ် ၁၁ ရက်တွင် ဖူကူရှီးမားအဏုမြူ ဓာတ်ပေါင်းဖိုချွတ်ယွင်း ပျက်စီးရာမှ ထွက်ရှိလာသော ယူရေနီယမ် ဓာတ်ရောင်ခြည်သင့်သည့် အန္တရာယ်ကို ဂျပန်နိုင်ငံကမ်းခြေ တစ်လျှောက်ရှိ ရေနေသတ္တဝါများပါ ခံစားခဲ့ကြရသည်မှာ ယနေ့တိုင် လုံးဝစိတ်ချရသည့် အနေအထား မရှိသေးကြောင်း တွေ့ရသည်။

သာမန်အခြေအနေများမှာပင် လေထုအတွင်း၌ လူနှင့်သက်ရှိများကို အန္တရာယ်ဖြစ်စေနိုင်သည့် ကာဗွန်ဒိုင်အောက်ဆိုက်ဓာတ်ငွေ့၊ နိုက်ထရိုက်အောက်ဆိုက် ဓာတ်ငွေ့၊ ဆာဖာဒိုင်အောက်ဆိုက် ဓာတ်ငွေ့၊ မီသိန်းနှင့် ကလိုရိုဖလူရိုကာဗွန် စသည့်ဓာတ်ငွေ့များ၊ မီးခိုးများ၊ ဖုန်မှုန့်များက လေထုအတွင်း ပျံ့လွင့်နေခြင်းကြောင့် လေထုညစ်ညမ်းမှုဖြစ်လျက်ရှိသည်။ ဖြစ်ပေါ်စေသော သယ်ယူပို့ဆောင်ရေး ယာဉ်များမှဒီဇယ်လောင်စာဆီသုံး အင်ဂျင်တပ်ဆင်ထားသည့် မော်တော်ယာဉ်များကို ၂ဝ၂ဝ ပြည့်နှစ်တွင် လုံးဝအသုံးမပြုတော့ဘဲ လျှပ်စစ်ကားများဖြင့် အစားထိုး အသုံးပြုရန် အင်္ဂလန်နိုင်ငံက စီစဉ်ထားကြောင်း သိရသည်။

မြန်မာနိုင်ငံ၏ စီးပွားရေးမြို့တော် ရန်ကုန်မြို့၌ မြို့ပတ်ရထားနှင့် ဘတ်စ်ကားစီးသူများ အပါအဝင် နေ့စဉ်ခရီးသွားသူ ဦးရေသုံးသန်းခန့် ရှိကြသည်။ ရန်ကုန်မြို့တွင်း ယာဉ်ကြောပိတ်ဆို့မှုနှင့် ကျပ်တည်းမှု သက်သာစေရန် လမ်းဆုံလမ်းခွများ၌ ခုံးကျော်တံတားများ တည်ဆောက်ပေးထားသော်လည်း ခရီးသွား ပြည်သူများအတွက် အခက်အခဲရှိနေသေးသည်။ ကမ်းနားတစ်လျှောက် နေထိုင်ကြသော ပြည်သူများအတွက် ရေလမ်းခရီးဖြင့် သွားလာရေး အဆင်ပြေစေရန် Yangon Water Bus ပထမအဆင့်ပြေးဆွဲမည့် အစီအစဉ်ကို အောက်တိုဘာ ၆ ရက်တွင် စတင်ဖွင့်လှစ်လိုက်သည်။ ပထမအဆင့် စတင်ပြေးဆွဲမည့် အစီအစဉ်မှာ ဗိုလ်တထောင်၊ လမ်းမတော်လမ်းသစ်၊ ကြည့်မြင်တိုင်၊ ရွှေပိတောက်၊ အင်းစိန်ခရီးစဉ်ကို ရေယာဉ်ငါးစင်းဖြင့် နေ့စဉ် နံနက် ၆ နာရီ ၁၅ မိနစ်မှ  ည ၆ နာရီ ၁၅ မိနစ်အထိ ပြေးဆွဲပေးမည်ဖြစ်သည်။ ခရီးစဉ်အစအဆုံး ကြာမြင့်ချိန်မှာ ရေယာဉ်အကြီး၊ အသေးပေါ် မူတည်၍ ၄၅ မိနစ်မှ တစ်နာရီကျော်ခန့်အထိ ကြာမြင့်မည်ဖြစ်သည်။ ပထမအဆင့်လုပ်ငန်း တိုးတက်မှုအပေါ် မူတည်၍  ဒုတိယအဆင့်တွင် ဒဂုံ(မြောက်ပိုင်း)မြို့နယ်သို့ ပြေးဆွဲပေးရန် စီစဉ်ထားပြီး တတိယအဆင့်တွင် သန်လျင်နှင့် သီလဝါအထိ တိုးချဲ့ပြေးဆွဲပေးရန် စီစဉ်ထားကြောင်း သိရသည်။

ပြည်တွင်းရေကြောင်း ပို့ဆောင်ရေးရေယာဉ်များမှ ပုဂ္ဂလိကပိုင် ရေယာဉ်များသည် ပြည်ပမှ တင်သွင်းလာသော ဒီဇယ်ဆီနှင့် ပြည်တွင်းပုဂ္ဂလိက လုပ်ငန်းများက ချက်လုပ်ရောင်းချသော ဒီဇယ်ဆီတို့ကို ရောနှောအသုံးပြုနေကြရာ ဈေးနှုန်းအနေဖြင့် ဒီဇယ်ဆီတစ်ပီပါလျှင် ငွေကျပ် ၃ဝဝဝဝ ခန့်သက်သာခြင်းကြောင့် ကုန်သင်္ဘောတစ်စင်း အသွားအပြန်ကုန်ကျသည့် ဒီဇယ်ဆီပီပါ ၇ဝ အတွက် ၂၁ သိန်း သက်သာကြောင်း သိရသည်။

ရောဆီသုံးခြင်းကြောင့် အင်ဂျင်အစိတ်အပိုင်းများ ပျက်စီးလွယ်သည်မှန်သော်လည်း အသစ်ဝယ်ထည့်ပါက တန်ဖိုးသက်သက်သာသာဖြင့် အလွယ်တကူ ဝယ်ယူရရှိနိုင်သဖြင့် ရေယာဉ်ပိုင်ရှင်များ အနေဖြင့် ရောဆီသုံးခြင်းက တွက်ခြေကိုက်သည်ဟု ဆိုကြသည်။

မြန်မာနိုင်ငံမှ စီးပွားရေး လုပ်ငန်းရှင်တစ်ဦးက သြစတြေးလျနိုင်ငံမှ စိုက်ပျိုးရေး ပညာရှင်များနှင့် ပူးပေါင်း၍ ဇီဝဒီဇယ်ထုတ်လုပ်နိုင်မည့် ဖုန်ဂေးဖီးယားပင်များ စိုက်ပျိုးရန် အစီအစဉ်ကို ၂ဝ၁၈ ခုနှစ် ဇွန်၊ ဇူလိုင်လတို့တွင် စတင်ဆောင်ရွက်နိုင်ရန် စီစဉ်ထားပြီး  စီမံကိန်းကာလကို အကြမ်းဖျင်းငါးနှစ် လျာထားကြောင်းနှင့် ဇီဝလောင်စာ စတင်ထုတ်လုပ်နိုင်ပါက Yangon Water Bus  များအတွက် သုံးစွဲရန်နှင့် နောက်တစ်ဆင့်တွင် ပြည်တွင်းရေကြောင်း ပို့ဆောင်ရေးအတွက် ပြေးဆွဲနေသော ရေယာဉ်များအတွက်ပါ သုံးစွဲနိုင်ရန် ထုတ်လုပ်မည်ဖြစ်ကြောင်းသိရသည်။

သို့ဖြစ်၍ စိုက်ပျိုးရေးနိုင်ငံမှ စက်မှုနိုင်ငံသို့ ကူးပြောင်းရန်ပြင်ဆင်နေသော မြန်မာနိုင်ငံအတွက် ဇီဝဒီဇယ်ထုတ်လုပ်မှု နည်းပညာရရှိနိုင်မည့် အခွင့်အလမ်းကို လက်မလွတ်တမ်း ဆုပ်ကိုင် ထားကြရမည်ဖြစ်ကြောင်း မြဝတီကတိုက်တွန်း နှိုးဆော်လိုက်ရပါသည်။       

Read 79 times Last modified on Monday, 09 October 2017 08:35