SJ WorldNews - шаблон joomla Авто

ဧရာဝတီ ဂင်္ဂါ မြစ်ဝါနှင့် မစ္စစ္စပီ မြစ်ရေကြည်

Wednesday, 09 August 2017 08:33 font size decrease font size decrease font size increase font size increase font size

ကမ္ဘာ့ငြိမ်းချမ်းရေး၊ ညီညွတ်ရေးနှင့် လုံခြုံရေးဆိုင်ရာ ဘာသာပေါင်းစုံ ညီလာခံကို ရန်ကုန်တိုင်း ဒေသကြီး ဒဂုံမြို့သစ်(မြောက်ပိုင်း) မြို့နယ်ရှိ သီတဂူ ကမ္ဘာ့ဗုဒ္ဓတက္ကသိုလ်၌ သြဂုတ် ၅ ရက်မှ ၆ ရက်အထိ ကျင်းပခဲ့ရာ အမေရိကန်၊ အင်္ဂလန်၊ စပိန်၊ ဂျပန်၊ တရုတ်၊ ဘူတန်၊ ပြင်သစ်၊ အိန္ဒိယ၊ သီရိလင်္ကာ စသောပြည်ပနိုင်ငံ ၃၂ နိုင်ငံမှ ဘာသာရေး ခေါင်းဆောင်များနှင့် ပညာရှင်များ ၁၃၅ ဦး၊ မြန်မာနိုင်ငံမှ ဘာသာရေး ခေါင်းဆောင်များနှင့် ပညာရှင်များ ၁၂ဝ ဦးစုစုပေါင်း ၂၅၅ ဦးတို့ တက်ရောက်ကြသည်။

ဘာသာပေါင်းစုံ ညီလာခံဖွင့်ပွဲ အခမ်းအနားကို သြဂုတ် ၅ ရက် နံနက်ပိုင်းက ကျင်းပရာ သီတဂူ ကမ္ဘာ့ဗုဒ္ဓတက္ကသိုလ်များ၏ အဓိပတိ သီတဂူဆရာတော်ကြီးက ကြိုဆိုနှုတ်ခွန်းဆက်မိန့်ခွန်းမြွက်ကြားရာတွင် ကိုးကွယ်ရာ ဘာသာတရားအားလုံး၏ ရည်ရွယ်ချက်သည် လူသားအားလုံးတို့၏ ဘဝတည်ငြိမ်ရေး၊ လုံခြုံရေးနှင့်ငြိမ်းချမ်းရေးပင် ဖြစ်ကြောင်း မိန့်ကြားပြီး ''မိမိတို့မြန်မာနိုင်ငံတွင်ရှိသည့် ဧရာဝတီမြစ်ကြီး ထဲမှရေများသည် သောက်သုံးသူတိုင်းကို အေးချမ်းစေကြောင်း၊ ချိုးသူများကို သန့်ရှင်းစေကြောင်း၊ ဤကဲ့သို့ပင် အိန္ဒိယတွင်ရှိသော ဂင်္ဂါမြစ်ကြီးထဲမှရေများသည်လည်း သောက်သုံးသူများကို အေးချမ်းစေကြောင်း၊ သန့်ရှင်းစေကြောင်း၊ ထိုနည်းတူစွာ တရုတ်နိုင်ငံမှ မြစ်ဝါမြစ်၊ အမေရိကန်နိုင်ငံမှ မစ္စစ္စပီမြစ်တို့သည်လည်း တစ်သဘောတည်း ရှိကြောင်း၊ မိမိတို့ အားလုံးအနေဖြင့် မိမိတို့ကိုးကွယ်သည့်ဘာသာ၊ အယူဝါဒများ မည်သို့ပင်ခြားနားစေကာမူ ကမ္ဘာ့ငြိမ်းချမ်းရေးနှင့် တည်ငြိမ်ရေးကို ပိုမိုတိုးတက်အောင် ဆောင်ရွက်ကြမည်ဆိုသည့် ခိုင်မာသောသန္နိဋ္ဌာန် ထားရှိချက်မှာ အတူတူပင်ဖြစ်ကြောင်း၊ ထို့ကြောင့် ဘာသာရေး ခေါင်းဆောင်အားလုံး အနေဖြင့် မတူညီသော၊ ကွဲပြားသော အကြောင်းအရာများကို ဘေးဖယ်ထား၍ ငြိမ်းချမ်းရေး၊ လုံခြုံရေး၊ တည်ငြိမ်ရေးဟူသော တူညီသောလမ်းပေါ်တွင် လက်တွဲလျှောက်ကြရန် အဓိဋ္ဌာန်ပြုကြောင်း''ဖြင့် အကျယ်တဝင့် မိန့်ကြားသည်။

ဘာသာပေါင်းစုံညီလာခံ ကျင်းပသည့် သြဂုတ် ၅ ရက်နှင့် ၆ ရက်တို့တွင် ဗုဒ္ဓဘာသာ၊ ဟိန္ဒူ၊ခရစ်ယာန်၊ အစ္စလာမ်၊ ဆစ်ခ်နှင့် ဂျိမ်းဘာသာ ခေါင်းဆောင်အသီးသီးနှင့် ကျွမ်းကျင်ပညာရှင်များ တက်ရောက်ကြပြီး ဆွေးနွေးသည့် ခေါင်းစဉ်များမှာ ''ပဋိပက္ခရှောင်ရှားရေး၊ ငြိမ်းချမ်းရေးနှင့်ညီညွတ်ရေးအတွက် ပဋိပက္ခအသွင်မဆောင်သည့် အတွေးအခေါ်ပုံစံသစ်ထွန်းကားရေး''နှင့် ''စဉ်ဆက်မပြတ်တိုးတက်သော ကမ္ဘာကြီး အတွက်ပတ်ဝန်းကျင်အသိတရား''ခေါင်းစဉ်တို့ကို ဘာသာရေးခေါင်းဆောင်များက ဆွေးနွေးကြသည်။ ထို့နောက် ဘာသာပေါင်းစုံညီလာခံပိတ်ပွဲ အခမ်းအနားကို သြဂုတ် ၆ ရက် ညနေပိုင်းတွင်ပြုလုပ်ခဲ့ပြီး   ''ငြိမ်းချမ်းရေးညီလာခံ၏ကြေညာစာတမ်း''ကို ထုတ်ပြန်ကြေညာခဲ့သည်။

မျက်မှောက်ကမ္ဘာ့ နိုင်ငံများတွင် ရုပ်ပိုင်းဆိုင်ရာ သိပ္ပံနှင့်နည်းပညာ ဖွံ့ဖြိုးလာသော်ငြား နိုင်ငံသားတို့၏ စိတ်ပိုင်းဆိုင်ရာ တိုးတက်မှုနှေးကွေးနေခြင်းကြောင့် ကိုးကွယ်ရာ ဘာသာမဲ့သူအရေအတွက် တစ်နေ့တခြား တိုးပွားလျက်ရှိရာ အင်္ဂလန်တွင် ဘာသာမဲ့ပုဂ္ဂိုလ် ၃၅ ရာခိုင်နှုန်း၊ အမေရိကန်ပြည်ထောင်စုတွင် ၃၃ ရာခိုင်နှုန်း၊ ဂျပန်နိုင်ငံတွင် ၃၁ ရာခိုင်နှုန်း အသီးသီး ရှိနေကြောင်းနှင့် ကမ္ဘာ့နိုင်ငံများတွင် လူငယ်တော်တော်များများသည် မိမိတို့ကိုးကွယ်ရာ ဘာသာတရားများ၏  အဆုံးအမကို လိုက်နာမှုမရှိကြခြင်းသည် ယနေ့ကမ္ဘာကြီးအတွက် ထိတ်လန့်ဖွယ်အကောင်းဆုံး ကိစ္စဟုရှုမြင်ကြောင်း သီတဂူဆရာတော်ကြီး မိန့်ကြားသည်ကို ကြားသိလိုက်ရသည်။ ထို့ကြောင့် ဆန်းစစ်ကြည့်ရာ အမေရိကန်ပြည်ထောင်စု၏ လူဦးရေ ၃၂၆သန်းရှိသဖြင့် ဘာသာမဲ့လူဦးရေ ၃၃ ရာခိုင်နှုန်းသည် မြန်မာနိုင်ငံ လူဦးရေထက်များကြောင်း တွေ့ရပြီး ဂျပန်နိုင်ငံလူဦးရေသည် ၁၂၆ သန်းရှိသဖြင့် ဘာသာမဲ့လူဦးရေ ၃၁ ရာခိုင်နှုန်းသည် မြန်မာနိုင်ငံလူဦးရေထက် ၁ဝ သန်းမျှသာ လျော့နည်းကြောင်းတွေ့ရသည်။ ဗြိတိန်နိုင်ငံ လူဦးရေ ၆၅ သန်းမှ ဘာသာမဲ့လူဦးရေ ၃၅ ရာခိုင်နှုန်းနှင့်တွက်ကြည့်လျှင် သိနိုင်ကြသည်။

ပြည်ထောင်စုသမ္မတမြန်မာနိုင်ငံတော်တွင် လွတ်လပ်စွာ ယုံကြည်ကိုးကွယ်ခွင့်ကို ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ(၂ဝဝ၈ ခုနှစ်)တွင် အတိအလင်း ပြဋ္ဌာန်းပြီးဖြစ်သည်။ ထို့ပြင် ယုံကြည်ကိုးကွယ်မှု ဘာသာကူးပြောင်းခြင်း ဥပဒေကိုပါ ပြဋ္ဌာန်းပေးထားသည်မှာ လွတ်လပ်ရေးရပြီးနောက်ပိုင်း မြန်မာနိုင်ငံ၏ ထူးခြားမှုတစ်ခုဖြစ်သည်။

နိုင်ငံရေး၊ စီးပွားရေး၊ လူမှုရေးတို့ကို တည်ဆဲဥပဒေများနှင့် အညီ လွတ်လပ်စွာ ဆောင်ရွက်ခွင့်နှင့် ပွင့်လင်းမြင်သာမှုရှိရေး တို့ကို ခွင့်ပြုထားပြီးဖြစ်သည်။   ဒီမိုကရေစီ''စံ''ကို ဖော်ဆောင်ရာတွင် ရှောင်လိုက် တိမ်းလိုက် ယိုးဒယားအကထဲက သမင်လိုက်အကလို အသုံးတော်ခံနေကြသော် ပြည်သူတို့ဘဝရှေ့ခရီးမတွင်နိုင်သကဲ့သို့ လူ့အခွင့်အရေး ဆိုသည်မှာလည်း မောင်မောင် ခေါ်လေ ထီးရိုးရှည်ရမည့် အနေအထားမျိုး မဟုတ်ပေ။

သို့ဖြစ်၍ ဧရာဝတီ၊ ဂင်္ဂါ၊ မြစ်ဝါနှင့် မစ္စစ္စပီမြစ်ရေကြည်တို့သည် တည်ရှိရာဒေသနှင့် စီးဆင်းရာအရပ် မတူညီကြသော်ငြား သောက်သုံးသူတို့အတွက် အေးချမ်း သန့်ရှင်းစေမှု ပေးစွမ်းရာတွင် တူညီကြသည့်ပမာ ကမ္ဘာ့ပြည်သူတို့ အနေဖြင့် ကိုးကွယ်သည့်အယူဝါဒမတူ ကွဲပြားကြစေကာမူ ငြိမ်းချမ်းရေး၊ လုံခြုံရေးနှင့် တည်ငြိမ်ရေးဟူသော တူညီသည့်လမ်းပေါ်တွင်  လက်တွဲလျှောက်လှမ်းကြပါရန် မြဝတီက တိုက်တွန်း နှိုးဆော်လိုက်ရပါသည်။    

Read 74 times Last modified on Friday, 18 August 2017 11:43