SJ WorldNews - шаблон joomla Авто

ရောဂါဘယ ကင်းစင်ရေး ပတ်ဝန်းကျင်ကို သန့်ရှင်းပေး

Friday, 08 June 2018 08:41 font size decrease font size decrease font size increase font size increase font size

၂ဝ၁၈ ခုနှစ် ကမ္ဘာ့ပတ်ဝန်းကျင် ထိန်းသိမ်းရေးနေ့ အခမ်းအနားကို နေပြည်တော် ဟိုတယ်ဇုန်ရှိ သင်္ဂဟဟိုတယ်၌ ဇွန် ၅ ရက် နံနက် ၉ နာရီတွင်ကျင်းပရာ နိုင်ငံတော်သမ္မတ ဦးဝင်းမြင့်  တက်ရောက် အမှာစကား ပြောကြားစဉ် ''ယနေ့အချိန်အခါသည် မြန်မာနိုင်ငံအပါအဝင် ကမ္ဘာ့နေရာ အနှံ့အပြားတွင် ဂေဟစနစ်များ ပျက်စီးခြင်း၊ ဇီဝမျိုးစုံမျိုးကွဲများ လျော့နည်းလာခြင်း၊ ရေအရင်းအမြစ်များ ရှားပါးလာခြင်း၊ လေထုနှင့်ရေထု ညစ်ညမ်းမှုများဖြစ်ပေါ်လာခြင်း စသည့်ပတ်ဝန်းကျင် ယိုယွင်းပျက်စီးမှုပြဿနာများကို ရင်ဆိုင်ကြုံတွေ့နေကြရပါကြောင်း၊ ပလတ်စတစ်စွန့်ပစ် ပစ္စည်းများကြောင့် ပတ်ဝန်းကျင် ညစ်ညမ်းမှုကလည်း တစ်ခုအပါအဝင်ဖြစ်လာပြီး မိမိတို့၏ ကမ္ဘာကြီးပေါ်တွင် အလေးထား ဆောင်ရွက်ရမည့် ကိစ္စတစ်ရပ်ဖြစ်လာပါကြောင်း''ဖြင့် ထည့်သွင်းပြောကြားသည်။

၂ဝ၁၈ ခုနှစ် ကမ္ဘာ့ပတ်ဝန်းကျင် ထိန်းသိမ်းရေးနေ့၏ ဆောင်ပုဒ်သည်  ''ပလတ်စတစ်ညစ်ညမ်းမှုကို တိုက်ဖျက်ကြစို့'' (Beat Plastic Pollution) ဖြစ်ပြီး ဆောင်ပုဒ်၏ ရည်ရွယ်ချက်များမှာ တစ်ခါသုံး ပလတ်စတစ်ပစ္စည်းများ ထုတ်လုပ်သုံးစွဲမှု လျှော့ချရန်၊ ရေရှည်စဉ်ဆက်မပြတ် ထိန်းသိမ်းတည်တံ့စေမည့် အခြားနည်းလမ်းများကို အချင်းချင်းမျှဝေပြီး အတူတကွ ပူးပေါင်းရှာဖွေ ဖော်ထုတ်ဆောင်ရွက်ကြရန် ဖြစ်သည်။ မြန်မာနိုင်ငံတွင် ပလတ်စတစ် အသုံးအဆောင်ပစ္စည်းများ ထုတ်လုပ်သုံးစွဲမှု လျှော့ချရန်မှာ ရှေးအစဉ်အဆက် အသုံးပြုခဲ့ကြသော ကြွေထည်၊ မြေထည်၊ စဥ့်ထည်၊ ယွန်းထည်အမျိုးမျိုး၊ ကြိမ်နှင့်ဝါးတို့ဖြင့် ပြုလုပ်သော အသုံးအဆောင်ပစ္စည်း အမျိုးမျိုးတို့ကို သုံးစွဲကြလျှင်  သင့်လျော်သော အနေအထားရှိပြီး ဖြစ်သည်။  ပြည်တွင်းဖြစ်ကို အားပေးခြင်းဖြင့် ပြည်သူတို့အတွက်  အလုပ်အကိုင် အခွင့်အလမ်း ပိုမိုရရှိစေနိုင်ပြီး  နိုင်ငံတော်အတွက်  နိုင်ငံခြားငွေ သုံးစွဲမှုလျော့နည်း သက်သာစေရန် တစ်စိတ်တစ်ပိုင်း အထောက်အကူပြုနိုင်သည့်အပြင် အသေးစားနှင့် အလတ်စားစီးပွားရေးလုပ်ငန်းများ ဖွံ့ဖြိုးလာခြင်းကြောင့်  နိုင်ငံတော်အတွက်  အခွန်ဘဏ္ဍာ ပိုမိုရရှိရေးကိုပါ အထောက်အကူပြုမည်ဖြစ်သည်။

နိုင်ငံတော်အတွင်း စိမ်းလန်းသန့်ရှင်းပြီး ကောင်းမွန်မျှတသည့် ပတ်ဝန်းကျင်ဖြစ်လာစေရန် မျှော်မှန်း၍ အမျိုးသားအဆင့် စွန့်ပစ်ပစ္စည်း စီမံခန့်ခွဲမှု မဟာဗျူဟာနှင့် လုပ်ငန်းအစီအစဉ်(၂ဝ၁၇-၂ဝ၃ဝ)ကို  နိုင်ငံတော် အစိုးရက ရေးဆွဲထားပြီးဖြစ်သည်။  ယင်းမဟာဗျူဟာနှင့် လုပ်ငန်းအစီအစဉ်အရ  စွန့်ပစ်ပစ္စည်း ထွက်ရှိမှု လျှော့ချခြင်း(Reduce)၊ ပြန်လည်သုံးစွဲခြင်း (Reuse)၊ ပြန်လည်ပြုပြင် သုံးစွဲခြင်း(Recycle)နည်းတို့ဖြင့် ဆောင်ရွက်ကြရန်ဖြစ်သည်။ 3Rနည်းစဉ်ဖြင့် ဆောင်ရွက်ရာတွင် နိုင်ငံသား တစ်ဦးချင်းမှ  မြို့နယ်အဆင့်၊ မြို့တော်အဆင့်၊ အမျိုးသားအဆင့်ဟူ၍ အဆင့်ဆင့် အကောင်အထည် ဖော်သွားကြရန်ဖြစ်သည်။

ကုလသမဂ္ဂအဖွဲ့ကြီးက ၂ဝ၁၈ ခုနှစ် ကမ္ဘာ့ပတ်ဝန်းကျင် ထိန်းသိမ်းရေးနေ့တွင် ထုတ်ပြန်သည့် အစီရင်ခံစာ၌ ကမ္ဘာ့ပြည်သူများ အသုံးပြုနေကြသော ပလတ်စတစ်အိတ် ၅ ထရီလီယံရှိနေခြင်းသည် တစ်မိနစ်လျှင် ပလတ်စတစ်အိတ် ၁ဝ သန်းနီးပါး အသုံးပြုနေကြသည်နှင့် ညီမျှကြောင်း၊ တစ်ကြိမ်အသုံးပြုပြီးသော ပလတ်စတစ်အိတ်များကို နောက်တစ်ကြိမ် ပြန်လည်အသုံးမပြုတော့ဘဲ စွန့်ပစ်လိုက်ကြသဖြင့် တစ်ကြိမ်အသုံးပြုပြီး ပလတ်စတစ်အိတ် ၇၉ ရာခိုင်နှုန်းသည် အမှိုက်ပုံသို့သာ ရောက်သွားကြောင်း ဖော်ပြထားသည်။ အမှိုက်ပုံများတွင် စုပုံနေသော ပလတ်စတစ်အိတ်များသည် မိုးရွာသောအခါ ရေစီးကြောင်းနှင့်အတူ မျောပါသွားပြီး တစ်နေရာတွင် စုပုံပိတ်ဆို့နေတတ်သည်။ ထို့အတူ ပလတ်စတစ်အိတ်များက ရေမြောင်းနှင့်ရေပိုက်များကို ပိတ်ဆို့ရာမှ ပတ်ဝန်းကျင်သို့ ရောဂါပိုးမွှားများ ကူးစက်နိုင်သည်။

ယခုမိုးရာသီတွင် စွန့်ပစ်ပလတ်စတစ်အိတ်များ အတွင်း မိုးရေများ ရောက်သွားသည့်အခါ ခြင်ကျားများ ပေါက်ပွားရာမှတစ်ဆင့် ခြင်ကြောင့်ဖြစ်သောရောဂါများ ပိုမိုဖြစ်ပွားလျက်ရှိရာ သွေးလွန် တုပ်ကွေးရောဂါကို အထူးသတိပြုကြရန်ဖြစ်သည်။ လူဦးရေထူထပ်၍ မိုးရွာသွန်းမှု များသော ရန်ကုန်တိုင်းဒေသကြီးတွင် ၂ဝ၁၇ခုနှစ်အတွင်းက သွေးလွန်တုပ်ကွေးကြောင့် ဆေးရုံတက်ရောက် ကုသသူ ၇၄၉ဝ ဦးမှ သေဆုံးသူ ၆ဝ ဦးရှိခဲ့ပြီး ၂ဝ၁၈ ခုနှစ် ဇန်နဝါရီလမှ မေလကုန်အထိ သွေးလွန်တုပ်ကွေးကြောင့် ဆေးရုံတက်ရောက် ကုသသူ ၆၇၁ ဦးမှသေဆုံးသူ ငါးဦးရှိသည်။  သွေးလွန်တုပ်ကွေးအဖြစ် များသော မြို့နယ်များမှာ လှိုင်သာယာ၊ ရွှေပြည်သာနှင့် တောင်ဒဂုံမြို့နယ်တို့ဖြစ်ကြောင်း သိရသည်။

ပဲခူးတိုင်းဒေသကြီးအတွင်း ၂ဝ၁၇ ခုနှစ်က သွေးလွန်တုပ်ကွေး ရောဂါဖြစ်ပွားသူ ၁၈ဝ၁ ဦးရှိခဲ့ရာမှ ၁၈ ဦးသေဆုံးခဲ့ကြောင်း တိုင်းဒေသကြီး ကျန်းမာရေးဦးစီးဌာန စာရင်းများအရ သိရသည်။ ၂ဝ၁၈ ခုနှစ် ဇန်နဝါရီလမှ မေလအထိ သွေးလွန်တုပ်ကွေး ရောဂါဖြစ်ပွားသူ ၁၁၈ ဦးရှိရာ အုတ်ဖိုမြို့နယ်နှင့် ပဲခူးမြို့နယ်တို့တွင် အဖြစ်များကြသည်။ ယခင်နှစ်အတွေ့အကြုံအရ အသက် ၁၅ နှစ်အောက်ငယ်သော ကလေးများတွင် အဖြစ်များကြောင်းနှင့် ယခုရက်ပိုင်းအတွင်း အသက် ၂ဝ နှစ်ကျော်သော အရွယ်များတွင် အဖြစ်များကြောင်း တိုင်းကျန်းမာရေး ဦးစီးဌာနမှ တာဝန်ရှိသူတစ်ဦး၏ ပြောကြားချက်အရ သိရသည်။

ခြင်ကိုက်ရာမှတစ်ဆင့် ကူးစက်တတ်သော သွေးလွန်တုပ်ကွေး ရောဂါဖြစ်လျှင် ကြွက်သားနှင့် အဆစ်အမျက်များ နာကျင်ကိုက်ခဲ၍ သွေးယိုတတ်ပြီး အသက်အန္တရာယ် စိုးရိမ်ရသည်အထိ ပြင်းထန်သော သွေးလွန်တုပ်ကွေးရောဂါ ကာကွယ်ရေးအတွက် သက်ဆိုင်ရာကျန်းမာရေး ဦးစီးဌာနများက ဆောင်ရွက်နေကြသကဲ့သို့ ပြည်သူတစ်ဦးချင်း အနေဖြင့် ပတ်ဝန်းကျင် သန့်ရှင်းရေး အလေးထား ဆောင်ရွက်ကြပါရန် မြဝတီက တိုက်တွန်း နှိုးဆော်လိုက်ရပါသည်။    

Read 88 times Last modified on Friday, 08 June 2018 08:42