SJ WorldNews - шаблон joomla Авто

မျိုးဆက်သစ်များအတွက် သဘာဝ ပတ်ဝန်းကျင်ကောင်း ဖန်တီးပေး

Tuesday, 13 March 2018 08:55 font size decrease font size decrease font size increase font size increase font size

မြန်မာနိုင်ငံအတွင်း မတ်လဒုတိယ ရက်သတ္တပတ်အတွက် နေ့အပူချိန်များမှာ အလယ်ပိုင်းဒေသ များ၌ ၄ဝ ဒီဂရီစင်တီဂရိတ် ဝန်းကျင်သို့ ရောက်ရှိနေပြီး ညအပူချိန်များမှာလည်း ၂ဝ မှ ၂၃ ဒီဂရီစင်တီဂရိတ် ဝန်းကျင်ရောက်ရှိနေကြောင်း မိုးလေဝသနှင့် ဇလဗေဒ ညွှန်ကြားမှုဦးစီးဌာနက ကြေညာသော သတင်းများအရ သိရသည်။

နေ့အပူချိန် တဖြည်းဖြည်း မြင့်မားလာသည်နှင့်အမျှ ပြည်သူများ ကျန်းမာရေးအတွက် ခရမ်းလွန်ရောင်ခြည် ကျရောက်မှုအန္တရာယ်ကို သတိပြုကြရန် လိုအပ်လာသည်။

ကမ္ဘာမြေပြင်ပေါ်သို့ ခရမ်းလွန်ရောင်ခြည် ကျရောက်မှုကြောင့် နှစ်စဉ် လူဦးရေ နှစ်သန်းမှ သုံးသန်းအထိ အရေပြားကင်ဆာရောဂါ ဖြစ်ပွားပြီး လူဦးရေ ၆၆ဝဝဝ ခန့် နှစ်စဉ်သေဆုံးလျက် ရှိကြောင်း ကုလသမဂ္ဂ ပတ်ဝန်းကျင် အစီအစဉ်က ထုတ်ပြန်သော စာရင်း၌ ဖော်ပြထားသည်။ နေရောင်ခြည်မှ ထွက်ပေါ်လာသော ခရမ်းလွန်ရောင်ခြည်လှိုင်းများသည် စွမ်းအင် အလွန်မြင့်မားသည့် အလင်းရောင် လှိုင်းများ ဖြစ်သည်။ ၎င်းအလင်းရောင်လှိုင်းများ ကမ္ဘာမြေပြင်ပေါ်သို့ မကျရောက်စေရန် အိုဇုန်းလွှာက စုပ်ယူပေးထားသဖြင့် အိုဇုန်းလွှာသည် သက်ရှိလောကအတွက် မရှိမဖြစ် လိုအပ်သော သဘာဝ အကာအရံတစ်ခုဖြစ်သည်။ ကမ္ဘာမြေလေ့လာရေး အဖွဲ့သည် အန္တာတိကပေါ်၌ အိုဇုန်းလွှာအပေါက် ဖြစ်နေကြောင်း ၁၉၈၅ ခုနှစ်တွင် ပထမဆုံးတွေ့ရှိကြသည်။ ဆက်လက် သုတေသနပြု လေ့လာချက်များအရ ကမ္ဘာ့နိုင်ငံများအနေဖြင့် အိုဇုန်းလွှာ ထိန်းသိမ်းရေးအတွက် ပူးပေါင်းဆောင်ရွက်မှု မရှိပါက ခရစ်နှစ် ၂ဝ၅ဝ ဝန်းကျင်တွင် အိုဇုန်းလွှာ ပျက်စီးမှုကြောင့် ကြီးမားသည့် ပျက်စီးဆုံးရှုံးမှုများ ဖြစ်ပေါ်နိုင်ကြောင်းနှင့် ၂ဝ၆၅ ခုနှစ်တွင် ခရမ်းလွန်ရောင်ခြည် ကျရောက်မှုညွှန်းကိန်း ၃ဝ အထိတိုးမြင့်လာနိုင်ကြောင်း သတိပေးထားကြသည်။

ယခင်နှစ်နွေကာလက မြန်မာနိုင်ငံရှိ နေပြည်တော်၊ ရန်ကုန်နှင့် မန္တလေးဒေသတို့တွင် ကျရောက်သော ခရမ်းလွန်ရောင်ခြည် အညွှန်းကိန်းသည် အမြင့်ဆုံးအားဖြင့် ၁၂၊ ၁၃ ခန့်ရှိကြောင်း တွေ့ရသည်။ ၂ဝ၁၈ ခုနှစ် နွေကာလ ကျရောက်မည့် ခရမ်းလွန်ရောင်ခြည် ကျရောက်မှု ညွှန်းကိန်းကိုမူ စောင့်ကြည့်ရဦးမည်ဖြစ်သည်။ ခရမ်းလွန်ရောင်ခြည် ကျရောက်မှု လျော့နည်းစေရန် အိုဇုန်းလွှာ ထိခိုက်ပျက်စီးမှု သက်သာအောင် ဆောင်ရွက်ရမည့် နည်းလမ်းမှာ ကလိုရိုဖလူရိုကာဗွန်(CFC)နှင့် ဟိုက်ဒရိုကလိုရိုဖလူရိုကာဗွန် (HCFC)အစရှိသည့် ဒြပ်ပစ္စည်းများ သုံးစွဲမှုလျှော့ချ ရပ်ဆိုင်း ရန်ဖြစ်သည်။

အဆိုပါဒြပ်ပစ္စည်းများသည် အိုဇုန်းလွှာကို ပျက်စီးစေရုံမျှမက ဖန်လုံအိမ် အာနိသင်ရှိသော ဓာတ်ငွေ့လည်းဖြစ်သည်။ အိုဇုန်းလွှာ ပျက်စီးစေသည့် ဒြပ်ပစ္စည်းများ သုံးစွဲမှု လျှော့ချ ရပ်ဆိုင်းခြင်းသည် ရာသီဥတု ပြောင်းလဲမှုကိုပါ တစ်ပြိုင်တည်း လျှော့ချခြင်းဖြစ်သည်။

ယနေ့ကမ္ဘာ့နိုင်ငံများတွင် အဓိကကြုံတွေ့နေရသည့် ပတ်ဝန်းကျင်ဆိုင်ရာ ပြဿနာများမှာ ရာသီဥတုပြောင်းလဲမှု၊ အိုဇုန်းလွှာပျက်စီးမှု၊ လေထုညစ်ညမ်းမှု၊ ရေထုညစ်ညမ်းမှု၊ မြေထုညစ်ညမ်းမှု၊ မြေဆီလွှာပျက်စီးမှု၊ သစ်တောပြုန်းတီးမှု၊ သဲကန္တာရဖြစ်ထွန်းမှုနှင့် ဇီဝမျိုးစုံမျိုးကွဲများ ပျက်စီးပျောက်ကွယ်မှုတို့ဖြစ်သည်။

မြန်မာနိုင်ငံသည် အိုဇုန်းလွှာ ထိန်းသိမ်းရေး လုပ်ငန်းများတွင် ပါဝင်ဆောင်ရွက်နေသကဲ့သို့  ပတ်ဝန်းကျင် စိမ်းလန်းစိုပြည်ရေး၊ ရာသီဥတု မျှတရေး တို့ကိုလည်း ဆောင်ရွက်ရာတွင် သယံဇာနှင့် သဘာဝ ပတ်ဝန်းကျင် ထိန်းသိမ်းရေး ဝန်ကြီးဌာန  သစ်တောဦးစီးဌာနက အင်တိုက်အားတိုက် ဆောင်ရွက်လျက်ရှိသည်။ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီးသည် နေပြည်တော်(တောင်ပိုင်း) သစ်ထုတ်လုပ်ရေးဒေသ ကျောက်မဆင်နယ် ကျောက်တလုံး သစ်ဆိပ်နှင့် စစ်တောင်းမြစ် ရေဝေရေလဲဒေသ ထိန်းသိမ်းရေး အစီအစဉ်တို့ကို မတ် ၁ဝ ရက်တွင် သွားရောက်ကြည့်ရှု စစ်ဆေးပြီး ပတ်ဝန်းကျင် စိမ်းလန်းစိုပြည်ရေးအတွက် ဆောင်ရွက်ရန် မှာကြားသည်။

ပြည်ထောင်စုဝန်ကြီးက မှာကြားရာတွင် သဘာဝတော တန်ဖိုးမြှင့်စိုက်ပျိုးရေးကို မိုးမကျမီ အပြီးစိုက်ပျိုးရန်နှင် စိုက်ပျိုးမည့်သစ်မျိုး ရွေးချယ်ရာတွင်လည်း မူလသဘာဝ အခြေအနေတွင် ရှင်သန်ပေါက်ရောက်မှု အများဆုံးသစ်မျိုးကို  ရွေးချယ်စိုက်ပျိုးရန် မှာကြားသည်။ ပြည်ထောင်စုဝန်ကြီးက သစ်ထုတ်လုပ်ရေး လုပ်ငန်းများ ပြီးစီးလျှင် သစ်ထုတ်လမ်းများ ပြန်ပိတ်ရန်ကိုလည်း မှာကြားခဲ့ကြောင်းသိရသည်။

သစ်တောများပြန်လည်စိုက်ပျိုးရန် လုပ်ငန်းတာဝန် ကြီးလေးသကဲ့သို့ ဥပဒေနှင့် အညီလုပ်ကိုင်သော သစ်ထုတ်လုပ်ရေး လုပ်ငန်းများ ပြီးဆုံးချိန်တွင် သစ်ထုတ်လမ်းများ ပြန်ပိတ်ရေးသည် တရားမဝင် သစ်ထုတ်လုပ်ရေး လုပ်ငန်းလုပ်ကိုင်သူများအား ကာကွယ်တားဆီးရန် အရေးပါသော လုပ်ငန်းဖြစ်သည်။ သစ်တောများ ထိန်းသိမ်းခြင်းသည် အိုဇုန်းလွှာပျက်စီးမှု လျော့နည်းရေးနှင့်  ရာသီ ဥတုပြောင်းလဲမှု လျော့နည်း သက်သာရေးကိုပါ အထောက်အပံ့ဖြစ်စေသဖြင့် အနာဂတ် မျိုးဆက်သစ်များအတွက် သဘာဝ ပတ်ဝန်းကျင်ကောင်း ဖန်တီးပေးခြင်းဖြစ်သည်ကို  အလေးအနက် ခံယူကျင့်သုံးကြပါရန် မြဝတီက တိုက်တွန်းနှိုးဆော် လိုက်ရပါသည်။  

Read 127 times Last modified on Tuesday, 13 March 2018 08:56