SJ WorldNews - шаблон joomla Авто

ပဉ္စမအကြိမ်မြောက် အပြည်ပြည်ဆိုင်ရာ သိပ္ပံပညာ နှီးနှောဖလှယ်ပွဲနှင့် အာရှ-ပစိဖိတ် အသည်းရောဂါ ညီလာခံ ကျင်းပမည်

Friday, 12 January 2018 12:27 font size decrease font size decrease font size increase font size increase font size

ရန်ကုန် ဇန်နဝါရီ ၁၁                                                                                                    

မြန်မာနိုင်ငံ ဆရာဝန်အသင်း အစာအိမ် အူလမ်းကြောင်းနှင့် အသည်းရောဂါအဖွဲ့မှ ဦးစီး၍ ပဉ္စမအကြိမ်မြောက်  အပြည်ပြည်ဆိုင်ရာ သိပ္ပံပညာ နှီးနှောဖလှယ်ပွဲနှင့် အာရှ-ပစိဖိတ် အသည်းရောဂါ ညီလာခံကို   ဖေဖော်ဝါရီ  ၁၆ ရက်နှင့်  ၁၇ ရက်တို့တွင်  ရန်ကုန်မြို့ Novotel Hotel ၌ ကျင်းပမည်ဖြစ်ပြီး  ပြည်ပမှပညာရှင်များ  ပါဝင်ဆွေးနွေးကြမည်ဖြစ်ကြောင်း သိရသည်။

အစာအိမ်အူလမ်းကြောင်းနှင့် အသည်းရောဂါအဖွဲ့သည် မြန်မာနိုင်ငံအတွင်းရှိ တိုင်းဒေသကြီးနှင့်  ပြည်နယ်အသီးသီးသို့ သွားရောက်၍ ဆရာဝန်များအား  ဆေးပညာနှီးနှောဖလှယ်ပွဲများ ကျင်းပပေးခြင်း၊ ပြည်သူလူထုအား ဟောပြောပို့ချခြင်းနှင့် ဆေးကုသခြင်းတို့ကို  ဆောင်ရွက်ခဲ့ကြသည်။   ထိုမှတစ်ဆင့်   အပြည်ပြည်ဆိုင်ရာ သိပ္ပံပညာ နှီးနှောဖလှယ်ပွဲများ  ကျင်းပသင့်သည်ဟု ဆွေးနွေးတိုင်ပင်ကြပြီး ၂ဝ၁ဝ ပြည့်နှစ်တွင် ပထမအကြိမ်   အပြည်ပြည်ဆိုင်ရာ သိပ္ပံပညာနှီးနှောဖလှယ်ပွဲ ကျင်းပကာ  နှစ်နှစ်လျှင် တစ်ကြိမ် ကျင်းပခဲ့ခြင်းဖြစ်ကြောင်း သိရသည်။ 

ယခုကျင်းပမည့်  ပဉ္စ္စမအကြိမ်နှီးနှော ဖလှယ်ပွဲ  ပထမနေ့တွင်  ပြည်ပမှ ပါရဂူ ၁၆ ဦးက တက်ရောက်ဆွေးနွေးခြင်း၊ ဒုတိယနေ့တွင် အသည်းရောဂါအဖွဲ့နှင့် ASEAN  Perspective   in   Liver Diseases (APLD) အဖွဲ့တို့မှ သိပ္ပံပညာရှင် ကမ္ဘာ့ထိပ်သီး ပါရဂူ၃၄ ဦး တက်ရောက် ဆွေးနွေးမည်ဖြစ်သည်။

ထို့ပြင် ''ဖွံ့ဖြိုးဆဲနိုင်ငံတွေမှာ အသည်းအစားထိုး အစီအစဉ်တစ်ခုကို တည်ဆောက်မယ်ဆိုရင်   ဘာတွေလိုအပ်မလဲ''  ဟူသော ခေါင်းစဉ်ဖြင့် အလုပ်ရုံဆွေးနွေးပွဲ  ကျင်းပမည်ဖြစ်ရာ အမေရိကန်နိုင်ငံ University of  Pennsylvania  မှ Prof.  Abraham  Shaked က ဆွေးနွေးမည် ဖြစ်ကြောင်း သိရသည်။

Read 133 times Last modified on Friday, 12 January 2018 12:28