SJ WorldNews - шаблон joomla Авто

ရန်ကုန် အောက်တိုဘာ ၁၄

ပြည်တွင်း၌  မြေပဲစိုက်ဧကများ တိုးချဲ့လျက်ရှိပြီး     ယင်းမြေပဲကုန်ကြမ်းများ ပေါများစွာ ထွက်ရှိလာပါက မြေပဲဆီကြိတ်ဖတ်များမှ  ဆီထပ်မံထုတ်ယူနိုင်ရန်   နည်း ပညာများ ပေးမည်ဖြစ်ကြောင်း မြန်မာနိုင်ငံ ဆီစက် လုပ်ငန်းရှင်များအသင်း    အတွင်းရေးမှူး(၁)    ဦးအောင်ကျော်ကျော်ထံမှ သိရသည်။ 

မကွေးတိုင်းဒေသကြီး နတ်မောက်မြို့နယ်ရှိ တောင်သူ လုပ်ကိုင်သူများသည် ယခုအခါ ငရုတ်သီးခူးဆွတ်သည့် အချိန် ဖြစ်သည့်အတွက် ပုံမှန်ဝင်ငွေရရှိကြပြီး ယခင်နှစ်ကထက် ငရုတ်သီးဈေးနှုန်း ပိုရရှိပြီး လုပ်အားခလည်း ဈေးမြင့် လာကြောင်း ပင်းမြို့အုပ်စု လက်ခုပ္ပင်ကျေးရွာ တောင်သူဦးလှဝင်းထံမှ သိရသည်။

ပြည်တွင်းမှရရှိသည့် သတင်းစာနှင့် စက္ကူတို့ကို အခြေခံ၍ ထုတ်လုပ်ထားသော ကလေးကစားစရာ အရုပ်များကို ဂျပန်နိုင်ငံကဝယ်ယူရန် ကမ်းလှမ်းထားပြီး ထိုအရုပ်များကို တန်ဖိုးမြင့် ထုတ်ကုန်များအဖြစ် ပိုမိုထုတ်လုပ်နိုင်ရန် သင်တန်းများ အခမဲ့ သင်ကြားပေးလျက်ရှိကြောင်း မြန်မာနိုင်ငံ အမှတ်တရ ပစ္စည်း ထုတ်လုပ်ဖြန့်ဖြူး ရောင်းချသူများ အသင်း တာဝန်ရှိသူတစ်ဦးထံမှ သိရသည်။

စစ်ကိုင်းတိုင်းဒေသကြီး ကနီမြို့နယ်တွင် ယခုနှစ်ဆီးပန်းပွင့်ရာသီ ပျားရည်ထုတ်လုပ်ရေး လုပ်ငန်းများ၌ ပျားရည်ဈေး နှုန်းကျသော်လည်း လုပ်သားငှားရမ်းခသည် ယခင်နှစ်များထက် ဈေးနှုန်းမြင့်တက်လျက် ရှိကြောင်း ပျားမွေးမြူရေး လုပ်ငန်းရှင်များထံမှ သိရသည်။

မြန်မာနိုင်ငံတွင် ပြည်ပဝယ်ယူမှု ရပ်တန့်သွားသည့် ပဲစင်းငုံဈေးနှုန်းသည် အောက်တိုဘာလ အတွင်းအနိမ့်ဆုံးဈေးသို့ ကျဆင်းနေပြီး အရောင်းအဝယ်အေးကာ သိုလှောင်ထားရန် ဝယ်ယူခြင်းများသာ ရှိနေကြောင်း မန္တလေးကုန်စည်ဒိုင် အသင်းမှ သိရသည်။

ရှမ်းပြည်နယ်(တောင်ပိုင်း) ပင်လောင်းမြို့နယ်ရှိ လက်ဖက်စိုက် တောင်သူများသည် မိုးရာသီကာလအတွင်း ရာသီဥတု အခြေအနေကြောင့် လက်ဖက်ခြောက် ထုတ်လုပ်မှုကို ရပ်နားထားခဲ့ကြပြီး လက်ရှိတွင် မိုးကာလကုန်ဆုံးတော့မည် ဖြစ်၍ လက်ဖက်ခြောက် ထုတ်လုပ်မှုကို ပြန်လည်လုပ်ကိုင်နေကြပြီ ဖြစ်ကြောင်း လက်ဖက်စိုက် တောင်သူ ဦးမော်ရွှေထံမှ သိရသည်။

Page 1 of 14