Tuesday, 30 August 2016 13:15

ညအိပ်ရာဝင် ခြေဆေးခြင်း အကျိုး

Written by 
Rate this item
(0 votes)

ညအိပ်ရာဝင်ချိန် ခြေထောက် ဆေးခြင်းဖြင့် မျက်စိကြည်ပြီး အတွင်းတိမ် ဖြစ်ခြင်းမှ ကာကွယ်နိုင်သည်ဟု ရှေးလူကြီးများ ပြောကြသည်။

တစ်နေကုန် သွားလာ လှုပ်ရှားရင်း ခန္ဓာကိုယ်တွင်း ရောက်ရှိလာသော အပူ အခိုးအငွေ့များသည် ညအိပ်ချိန်တွင် အထက်သို့ တက်ကြသည်။ အိပ်ပျော်နေရင်း ခေါင်းချွေးများ ထွက်ခြင်း၊ သွားရည်ကျခြင်း၊ အစာမစားဘဲ ပါးစပ်မှဝါးခြင်း၊ သွားကြိတ်ခြင်း၊ ကယောင်ကတမ်း ပြောခြင်းများသည် လေပူ အထက်သို့ တက်ခြင်းကြောင့် ဖြစ်ရသည်။

မိတ်ဆွေ တစ်ဦး၏ သားငယ်သည် ညအိပ်လျှင် ကယောင်ကတမ်း စကားများ ပြောလေ့ ရှိသဖြင့် ကလေးကို ညအိပ်ရာ မဝင်မီ ဒူးအောက်ပိုင်း ရေလောင်း၊ ခြေဆေးပြီး အိပ်ရာဝင်စေသော အခါ ကယောင်ကတမ်း ပြောခြင်းမှ သက်သာလာသည်ကို တွေ့ရသည်။ ကလေးများသည် နေပူထဲတွင် တစ်နေကုန် ဆော့ခြင်း၊ ရေခဲရေ၊ ရေခဲမုန့်များ စားသောက်ခြင်းကြောင့် ကိုယ်တွင် အပူ အလွန်များသည်။ ထို့ကြောင့်ပင် ကလေးများ ဖျားနာလျှင် လူကြီးများထက် ကိုယ်အပူချိန် များသည်ကို တွေ့ရသည်။

ကိုယ်တွင်း အောင်းသော အပူများသည် နေ့တွင်ခြေဖဝါးမှ ထွက်လေ့ ရှိသည်။ ခြေသလုံးတွင် ချွေးစိုနေပြီး ခြေဖဝါးမှ ထိုက်သင့်သော ခြေဆီထွက်လျှင် ကျန်းမာသောသူ ဖြစ်သည်။ ခြေသလုံးမှာ ချွေးမထွက်၊ ခြေဖဝါးတွင် ခြေဆီမထွက်၊ ဖနောင့်ဖဝါးများတွင် အက်ကွဲခြင်းများ တွေ့ရလျှင် အောက်ပိုင်း အခိုးမညီသူ ဖြစ်သည်။ အထက်သို့ အပူကန်ခြင်း များသောကြောင့် မျက်စိမှုန်ခြင်း၊ မျက်မှန် ဒီဂရီတိုးခြင်း၊ ဆံပင်ကျွတ်ခြင်း၊ ထိပ်ပြောင်ခြင်းများ အသက်ငယ်ငယ်နှင့်ပင် ဖြစ်နိုင်ခြေရှိသည်။ ဝမ်းချုပ်၊ ဓာတ်ချုပ်လျှင် ပို၍ပင် ဆိုးနိုင်ပေသည်။

ဆီးချိုသွေးချိုရောဂါ ရှိသူများသည် ညအိပ်ပျော်သွားပြီး တစ်ရေးနိုးတွင် အာခေါင်ခြောက်ပြီး ရေငတ်လေ့ ရှိသည်။ အစာအိမ်မှာ အပူငွေ့ပြန်ပြီး အာခေါင်မှ သွားဖုံး၊ အထက်မျက်စိ ထိအောင် အပူငွေ့ တက်သဖြင့် ဆီးချိုသမားများ မျက်စိကွယ်သည် အထိ ဖြစ်ရလေသည်။ ဆီးချိုသွေးချို ရောဂါကို ကုသသည်က တစ်ဖက်၊ တခြား တစ်ဖက်မှလည်း တိုင်းရင်းဆေးပညာ ဥပဒေသ ကုထုံးများနှင့် အညီ ပြုသင့်သည်။ ထိုသို့ပြုရန် နည်းလမ်းမှာ ညအိပ်ရာ မဝင်မီ ခြေဖဝါးတွင် ဆားပွတ်ခြင်း၊ ဒူးမှ အောက်ပိုင်းသို့ ရေလောင်း၊ ရေဆေးခြင်း ပြုရမည်။ ရေလောင်းသည့် အခါတွင်လည်း အတော်အသင့် မဟုတ်ဘဲ ခုနစ်ခွက်မှ ၁ဝ ခွက် အထိ အခိုး အကင်းများ ကုန်စင်အောင် လောင်းဆေးခြင်းသည် ကျန်းမာရေး အတွက် အကျိုး ရှိစေသည်။ ခြေထောက် ရေဆေးခြင်းကြောင့် ည တစ်ရေးနိုးချိန် အာခြောက် ရေငတ်ခြင်းနှင့် ဆီးချိုကြောင့် မျက်စိကွယ်ခြင်း ကိုပါ ကာကွယ်နိုင်သည်။ ရေရှည် လုပ်ဆောင်မှလည်း အကျိုးရှိမည်ကို သတိပြုဖို့ လိုသည်။

သိမ်ဖြူ ဆရာတော် အရှင်နာဂသေနာဘိဝံသ၏ အာယုဗ္ဗေဒ ဆေးသိပ္ပံ၊ အခြေခံ ကျန်းမာရေး သင်ခန်းစာ စာအုပ်တွင် ဖော်ပြထားသော ကျန်းမာသော ရေချိုးနည်းမှာ ရေချိုးသောအခါ အောက်ပိုင်း ခြေကို စတင် လောင်း၍ ဒူး၊ ပေါင် စသည်ဖြင့် တရွေ့ရွေ့ အထက်သို့ လောင်းပြီး တစ်ကိုယ်လုံး ချိုးပါ။ ရေချိုးစဉ် ပထမတွင် ကိုယ်စိုရုံမျှ ရေလောင်း၍ အတွင်းအခိုးများ ထွက်လာစေရန်၊ ထွက်ခွင့်ရသည့် အခိုးများ ထွက်ခွင့် ရစေရန် အတန်ငယ် ရပ်နားပြီး နောက် လိုသလို ချိုးရ၏။ အထူးအားဖြင့် ခေါင်းပိုင်း၌ ရောဂါရှိသူများ ခေါင်းကို ရေလောင်းပြီး မချိုးရ။ ရေမလောင်းမီ ရှေးဦးစွာ ရေကို ပါးစပ်တွင် ငုံ၍ ထားပါ။ သို့မှသာ ခန္ဓာကိုယ် အတွင်းရှိ အပူအပုပ်ခိုးများ ရန်မှ ကာကွယ်ပြီး ဖြစ်ကုန်၏။ ယင်းသို့ ပြုလုပ်ပေးလျှင် သွားနှင့်ဆိုင်သော ရောဂါများ ကင်းရှင်းနိုင်၏။

မျက်စိ ဆရာဝန်ကြီးများ ဆေးခန်းတွင် မျက်စိတိမ်စွဲ၍ ခွဲစိတ်ကုသရသူ၊ အတွင်းတိမ်၊ ရေတိမ်စသည့် မျက်စိ ဝေဒနာ ဖြစ်ရသူများ၏ ခြေထောက်များကို ကြည့်သောအခါ ချွေးခြောက်ပြီး ခြေသလုံး အသားပပ်ကာ ခြေဖဝါး၊ ခြေဖနောင့် ကွဲအက်သူများ ဖြစ်ကြောင်း တွေ့ရလေသည်။ ဝမ်းချုပ်ခြင်းကြောင့်လည်း အောက်ပိုင်း ခြေနှစ်ဖက်ကိုက်ပြီး အထက်သို့ အခိုးပြန်ပြီး အကြောတက်သည်။ ဝမ်းကြော၏ အဆုံးသည် အူမကြီးတွင် ဆုံးသည်။ အူမကြီး အစာဟောင်းအိမ်တွင် ဝမ်းပုပ်နှင့်စမြင်းများ ပိတ်မိသောအခါ ခြေတစ်လျှောက်သွားသော ပေါင်ခြံအတွင်းမှ သွေးကြောမကြီးတွင် လေပိတ်ပြီး အောက်ပိုင်းခြေသလုံးနှင့် ခြေဖျားသို့

သွေးလျှောက်အား နည်းသွားသည်။ ထိုအခါ ခြေနှစ်ဖက်လုံး ကိုက်ခဲခြင်း၊ ထုံကျဉ်ခြင်းများ ဖြစ်နိုင်သည်။ ထိုသူများသည် ည အိပ်ရာဝင်ချိန် မတိုင်မီ ခေါက်တုံ့ခေါက်ပြန် ခြေလှမ်း ၁ဝဝ ခန့် လမ်းလျှောက်ပေးခြင်း ပြီးလျှင် ဒူးအောက်ပိုင်း ခြေထောက်ကို ရေဆေးခြင်း ပြုလုပ်လျှင် သက်သာ စေနိုင်သည်။ ''ဒူလာ ပါဒရက် ခြေကတက်'' ဟု ရှေးကလူကြီးများ ပြောသည့် အညောင်းအကိုက် ရောဂါကို ခြေဆေးခြင်းဖြင့် မှန်မှန်ကန်ကန် ပြုလုပ်လျှင် သက်သာ စေနိုင်သည်။

ညအိပ်ရာဝင် ခြေဆေးခြင်းဖြင့် ရရှိနိုင်သော အကျိုး ကျေးဇူးများ

          ၁။      တစ်နေကုန် အောင်းနေသော အပူများ အောက်သို့ လှည့်ပြီး ခြေဖဝါးမှ ထွက်သွား နိုင်သည်။

          ၂။      ညအိပ်ပျော်နေချိန် ဟောက်ခြင်း၊ သွားကြိတ်ခြင်း၊ လျှာဝါးခြင်း၊ သွားရည်ကျခြင်းများ သက်သာစေသည်။

          ၃။      ရင်ညွန့်သို့ တက်သောလေ၊ ဘဝင်သို့ တက်သော လေ၊ နှလုံးသို့ တက်သော လေပူ တို့ကို သက်သာ စေသည်။

          ၄။      ခြေထောက်ကို သန့်စင်စွာ ဆေးပြီး အိပ်ခြင်းကြောင့် မကောင်းသော အိပ်မက်ဆိုးများ မက်ခြင်းမှ သက်သာ စေနိုင်သည်။

          ၅။      ခြေသလုံး နှစ်ဖက် ကြွက်တက်ခြင်းမှ သက်သာစေသည်။

          ၆။      နံနက် အိပ်ရာထတွင် မျက်ဝတ်များ ထွက်ခြင်း၊ မျက်စိ ဖွင့်မကောင်းခြင်းမှ သက်သာစေသည်။

          ၇။      ခန္ဓာကိုယ် အပူအအေး မျှတပြီး ဦးခေါင်းသို့ အပူတက်ခြင်းကို သက်သာ စေသည်။

          ၈။      အပူကြောင့် သွားဖုံးကြွခြင်း၊ သွားနာသွားကိုက်ခြင်းများမှ သက်သာစေသည်။

          ၉။      ဆံပင်ကျွတ်ခြင်း၊ ငယ်ထိပ်ပြောင်ခြင်းမှ သက်သာ စေသည်။

၁ဝ။    ဆံပင်ဖြူခြင်းကို သက်သာစေသည်။

၁၁။    ကျွတ်သော ဆံပင်ကို ပြန်ပေါက် စေနိုင်သည်။

၁၂။    မျက်တွင်းကျခြင်း၊ မျက်ကွင်းညိုခြင်းမှ သက်သာ စေနိုင်သည်။

ညအိပ်ရာဝင်ချိန် ခြေထောက် ရေဆေးခြင်းဖြင့် ရောဂါ အမျိုးမျိုးကို သက်သာ စေနိုင်သည်။ ကြွက်တက်ရောဂါ၊ အဆစ်ရောင် အဆစ်ကိုက် ရောဂါ၊ လေးဖက်နာ ရောဂါ၊ သွားနှင့် သွားဖုံးရောင်၊ သွားဖုံးကြွရောဂါ၊ မျက်စိတိမ်ရောဂါနှင့် မျက်မှန် ဒီဂရီတိုးခြင်း၊ အစာအိမ် လေပူထခြင်း၊ လေပူအထက် တက်၍ မူးမော် ရင်တုန်၊ နှလုံး လေရိုက်ရောဂါများပင် သက်သာသည်ဟု ဆိုသည်။ ခြေဆေးလျှင် လုံချည်၊ ထဘီကို ပေါင်အလယ်ထိအောင် မတင်ပြီး ရေအေးဖြင့် ခုနစ်ခွက်ခန့် လောင်းဆေးသင့်သည်။ ခြေဆေးပြီး နောက် ခေတ္တ အပူထွက်အောင် စောင့်ပြီးမှသာ အဝတ်ခြောက်ဖြင့် သုတ်သင့်သည်။ နေ့စဉ်မှန်မှန် ပြုလုပ်မှသာ အကျိုးရှိမည့်နည်း ဖြစ်သည်။   ။

 

 

 

Read 872 times Last modified on Tuesday, 30 August 2016 13:21

Latest from ရွှေတည်